نازاربايەۆ باتىس ەلدەرى مەن قازاقستاننىڭ كيىمىن سالىستىردى
«باتىستا قالاي بولسا سولاي كيىنەدى. جۇمىسقا قاراپايىم كيىنەدى: قانداي دا ءبىر دجينسى مەن جەيدە. ال ءبىز بولساق مىندەتتى تۇردە ەلدەن وزگەشە، كۇشتىرەك كيىنىپ، كۇن سايىن ءارتۇرلىسىن اۋىستىرۋدى ويلايمىز. بۇل جۇمىسقا ىڭعايلى ەمەس»، - دەدى نازاربايەۆ.
ونىڭ ايتۋىنشا، قازىرگى ۋاقىتتا قازاقستاندا ساپالى ءارى ادەمى كيىمدەر تىگىلەدى، اسىرەسە ايەلدەر ءۇشىن.
«مەن ارنايى دۇكەندەرگە كىرىپ، كوستيۋم كيىپ كوردىم. وتە ساپالى. اياق كيىم جاسايدى. ال ءبىز ءبارىن يمپورتتايمىز، ول ءتورت-بەس ەسە قىمبات. ولار وزدەرى كيمەيتىندى بىزگە تاسىپ جاتىر. ءبىز سوعان جارماسامىز، ويتكەنى ءبىز ءۇشىن بۇل قولجەتىمسىز بولعان ەدى كەزىندە، سول سەبەپتى كيەمىز. ءوزىمىز ءوندىرىپ جاتقاندى كورمەيمىز»، - دەپ اتاپ ءوتتى پرەزيدەنت.
بۇگىن اقوردادا مەملەكەت باسشىسى نۇرسۇلتان نازاربايەۆ قازاقستاننىڭ «كوكتەم شۋاعى» ايەلدەر قاۋىمى وكىلدەرىمەن كەزدەسۋ وتكىزدى.
