ايەلدىڭ بىلمەيتىن ەكى- اق نارسەسى بار - نۇرسۇلتان نازاربايەۆ
«قازىرگى جاھاندانۋ زامانىندا قازاق قىزىنا ءتان اسىل قاسيەتتەردى ساقتاپ قالۋدىڭ ماڭىزى زور. مەن وسىنى ىلعي ايتىپ جۇرەمىن. يبالى قىز، يناباتتى كەلىن، ارداقتى انالارىمىز كوپ بولسا، وسكەلەڭ ۇرپاقتىڭ بولاشاعىنا الاڭدامايمىز»، - دەدى ن. نازاربايەۆ.
پرەزيدەنتتىڭ ايتۋىنشا، دۇنيەدە ايەلدىڭ بىلمەيتىن ەكى- اق نارسەسى بار. ءبىرىنشىسى، كەشكە قانداي تاماق جاسايمىن دەپ قوبالجيدى. ەكىنشىسى، تويعا بارعاندا قانداي كويلەك كيسەم ەكەن دەپ ويلانادى. «گاردەروبتىڭ ءىشى تولىپ تۇرسا دا، ءبارىبىر كيەتىن ەشتەڭە جوق. باياعىدا تولە بابامىز «ايەلىڭ جاقسى بولسا، ءبىرىنشى - يمانىڭ، ەكىنشىسى - جيعانىڭ، ءۇشىنشىسى - ىرىسىڭ» دەپ ايتقان ەكەن. سىزدەر ءاردايىم ەر ازاماتتارعا قولقانات بولىپ، ولاردى ۇنەمى قولداپ كەلەسىزدەر»، - دەپ اتاپ كورسەتتى مەملەكەت باسشىسى.
ايتا كەتەيىك، كەزدەسۋ كەزىندە ق ر پرەزيدەنتى نۇرسۇلتان نازاربايەۆ بارشا انالار مەن قىز- كەلىنشەكتەردى 8 - ناۋرىز - حالىقارالىق ايەلدەر كۇنىمەن قۇتتىقتادى.
«انانىڭ قۇدىرەتى شەكسىز. «ونىڭ الدىندا بۇكىل دۇنيە باس يەدى» دەپ تەگىن ايتىلماسا كەرەك. ەرتە زاماندا جاۋلاسقان جۇرتتىڭ ورتاسىنا انا اق جاۋلىعىن تاستاعان كەزدە سوعىس توقتاپ، بىتىمگە كەلەتىن بولعانىن بىلەمىز. ءداستۇرىمىزدى بارىنشا ساقتاپ كەلە جاتقان ءبىز ايەل زاتىن اسىرەسە قادىرلەيتىن حالىقپىز. قازاق ۇلتى قىز بالانى ءار ۋاقىتتا الاقانىنا سالىپ، ايالاپ وتىراتىن. بۇل سالتىمىز وتباسى ءۇشىن بۇزىلماس زاڭدىلىققا اينالىپ كەلەدى. «انا» دەگەن قاستەرلى ءسوزدى ەستىگەندە تەبىرەنبەيتىن جۇرەك جوق، تولقىمايتىن كوڭىل بولمايدى»، - دەيدى ن. نازاربايەۆ.
مەملەكەت باسشىسى كوپبالالى وتباسىلارعا كومەك بەرۋ ماسەلەسىن قوزعادى.
سونداي-اق، ەكى اناعا اناعا «التىن القا» مەن «كۇمىس القانى» سالتاناتتى تۇردە تاپسىردى.
