الەمگە ايگىلى «ءجۇز جىلدىق جالعىزدىق» رومانى جەلىسىمەن سەريال تۇسىرىلمەك
بۇل تۋرالى Netflix-تىڭ Twitter- دەگى پاراقشاسىندا حابارلاندى.1967 -جىلى جازىلعان رومان العاش رەت ەكرانعا شىقپاقشى. 2014 -جىلى قايتىس بولعان ماركەستىڭ وتباسى بۇعان دەيىن «ءجۇز جىلدىق جالعىزدىق» شىعارماسى بويىنشا كينو ءتۇسىرۋ قۇقىعىن ساتۋدان باس تارتىپ كەلگەن.
كولۋمبيادا يسپان تىلىندە تۇسىرىلەتىن سەريالدىڭ پروديۋسەرلەرى - ماركەستىڭ رودريگو جانە گونسالو ەسىمدى ۇلدارى.
- اكەمىز فيلم جانرى شىعارمانى بايانداۋعا تىم قىسقا بولادى دەپ، «ءجۇز جىلدىق جالعىزدىقتى» ەكرانعا شىعارۋعا كەلىسپەدى. ول فيلمدى تەك يسپان تىلىندە تۇسىرگەن ءجون دەپ سانادى، - دەيدى جازۋشىنىڭ ۇلى رودريگو Variety سايتىنا بەرگەن سۇقباتىندا.
- قازىر سەريالداردىڭ «التىن ءداۋىرى» تۋدى. سوندىقتان، روماندى تۇسىرۋگە بۇدان قولايلى ۋاقىت بولمايدى، - دەيدى پروديۋسەر.
1967 -جىلى شىققان «ءجۇز جىلدىق جالعىزدىق» رومانى ءۇشىن گابريەل گارسيا ماركەس نوبەل سىيلىعىن يەلەنگەن. الەمدىك ەڭ تانىمال ادەبي شىعارمالاردىڭ بىرىنە اينالعان رومان قازىرگە دەيىن 50 ميلليوننان ارتىق تيراجبەن تاراپ، 46 تىلگە اۋدارىلعان دەپ جازادى New York Times باسىلىمى.
