پرەزيدەنت ەكى اناعا «التىن القا» مەن «كۇمىس القا» تاپسىردى

مەملەكەت باسشىسىنىڭ قولىنان ەكى انا توسبەلگى الدى. بىرەۋى - التىناي سارسەنبايەۆا. ول - اتىراۋ وبلىسىنىڭ تۋماسى. 2000 -جىلى قۇرمانعازى اۋدانىنىڭ بايدا اۋىلدىق مەكتەبىن بىتىرگەن. بۇگىندە حالەل دوسمۇحامەدوۆ اتىنداعى ۋنيۆەرسيتەتتىڭ فيلولوگيا فاكۋلتەتىندە 4 - كۋرستا وقيدى. جاسى - 36-دا. 2004 -جىلى تۇرمىسقا شىعىپ، بۇگىندە جەتى بالانىڭ اناسى اتانىپ وتىر. جەكە بيزنەسى بار. جولداسى ەكەۋى ءۇي سالىپ، قازىر سول جەردە وتباسىمەن بىرگە تۇرادى.

 التىنايعا «التىن القا» توسبەلگىسى تابىستالدى. ال مانشۇك مامبەتوۆاعا پرەزيدەنت «كۇمىس القانى» تاقتى. م. مامبەتوۆا ءال- فارابي اتىنداعى قازاق ۇلتتىق ۋنيۆەرسيتەتىندە جۇمىس ىستەيدى. دوتسەنت اتاعى بار. جولداسى ەكەۋى التى بالانى تاربيەلەپ وتىر.

 ايتا كەتەيىك، بۇگىن ق ر پرەزيدەنتى نۇرسۇلتان نازاربايەۆ اقوردادا ءبىر توپ ايەلدەر قاۋىمىمەن كەزدەستى. سول جەردە مەملەكەت باسشىسى بارشا انالار مەن قىز- كەلىنشەكتەردى 8 - ناۋرىز - حالىقارالىق ايەلدەر كۇنىمەن قۇتتىقتادى.

 «انانىڭ قۇدىرەتى شەكسىز. «ونىڭ الدىندا بۇكىل دۇنيە باس يەدى» دەپ تەگىن ايتىلماسا كەرەك. ەرتە زاماندا جاۋلاسقان جۇرتتىڭ ورتاسىنا انا اق جاۋلىعىن تاستاعان كەزدە سوعىس توقتالىپ، بىتىمگە كەلەتىن بولعانىن بىلەمىز. ءداستۇرىمىزدى بارىنشا ساقتاپ كەلە جاتقان ءبىز ايەل زاتىن اسىرەسە قادىرلەيتىن حالىقپىز. قازاق ۇلتى قىز بالانى ءار ۋاقىتتا الاقانىنا سالىپ، ايالاپ وتىراتىن. بۇل سالتىمىز وتباسى ءۇشىن بۇزىلماس زاڭدىلىققا اينالىپ كەلەدى. «انا» دەگەن قاستەرلى ءسوزدى ەستىگەندە تەبىرەنبەيتىن جۇرەك جوق، تولقىمايتىن كوڭىل بولمايدى»، - دەيدى ن. نازاربايەۆ.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى