ورالداعى تەرى وڭدەۋ زاۋىتى شيكىزات تاپشىلىعىن باستان كەشىرىپ وتىر

ماقسات - وسى ىسپەن اينالىساتىن كاسىپورىنداردى قاجەتتى شيكىزاتپەن قامتىپ، جۇمىسىن جانداندىرۋ. دەگەنمەن، بۇل تۇرعىدا تۇيتكىلدى ماسەلەلەر دە جوق ەمەس. ورالداعى تەرى وڭدەۋ زاۋىتى بىلتىر عانا اشىلدى. مۇندا تاۋلىگىنە 2 مىڭ جارىم دانا قوي، 750 سيىر تەرىسى وڭدەلۋى ءتيىس ەدى. ارنايى سەحتا كۇنىنە مىڭ جۇپ اياق كيىم تىگۋ جوسپارلانعان بولاتىن. ءبىراق كاسىپورىننىڭ جوبالىق قۋاتىنا شىعار ءتۇرى كورىنبەيدى. سەبەبى شيكىزات تاپشى. جەكە تۇرعىنداردىڭ اۋلاسىندا سويىلعان مالدىڭ تەرىسى ساپاسىز، ال ارنايى ەت كومبيناتتارىنان شىققان تەرى شەكارا اسىپ جاتىر. سول سەبەپتى شيكى تەرىنى اكەتۋگە تىيىم سالىنۋى زاۋىت باسشىلىعىنىڭ كوڭىلىنەن شىعىپتى.

 ديماش نۇرعاليەۆ، تەرى وڭدەۋ زاۋىتىنىڭ كوممەرتسيالىق ديرەكتورى:

 - بىزدە قازىر شيكى تەرىنى قىتاي مەن قىرعىزستاننان، رەسەيدەن كەلىپ اكەتىپ جاتىر. ولار ساپاسىنا دا قاراماستان ۇلكەن پارتيالارمەن كوتەرىپ الاتىندىقتان، بىزگە باسەكەلەسۋ وڭاي بولعان جوق. بۇل تۇرعىدا شيكى تەرىنى شەتكە شىعارۋعا تىيىم سالىنۋى، وتاندىق وندىرىسكە قولداۋ دەپ سانايمىن.

ال قاعاز قالدىقتارىن قابىلداپ، جيناپ، تاپسىرۋشى كاسىپكەرلەر كەرىسىنشە جاڭا بۇيرىقتىڭ ءبىر قايناۋى ىشىندە دەپ سانايدى. ويتكەنى، ولار بۇرىن ماكۋلاتۋرانى ىرگەدەگى ساماراعا، ءارى كەتكەندە قازان قالاسىنا تاسيتىن. ەندى ايتۋلارىنشا الماتىعا نەمەسە ليساكوۆسك قالاسىنا جەتكىزۋگە تۋرا كەلەدى. سەبەبى وبلىستا، ءتىپتى باتىس وڭىردە قاعاز قالدىقتارىن وڭدەۋشى بىردە- ءبىر ءىرى ءوندىرىس ورىنى جوق.

 پاۆەل بوريسوۆ، كاسىپكەر:

 - 250 شاقىرىم جەرگە جەتكىزگەن جەڭىل مە، 2 مىڭ جارىم شاقىرىمعا اپارعان جەڭىل مە؟ ۆاگون جالداساق 500-600 مىڭ الادى الماتىعا. جۇك كولىكتەرى دە ارزان ەمەس. شىعىنعا باتىپ جۇمىس ىستەمەيتىن شىعارمىز. سوندا ەرتەڭ ەشكىم بۇل ىسپەن اينالىسپايدى. قاعاز شاشىلىپ، ەكولوگيالىق پروبلەماعا اينالۋى دا مۇمكىن.

 بۇل ماسەلە كاسىپكەرلەردىڭ قۇقىن قورعاۋشى ۇيىمدارعا دا جاقسى تانىس.

ەلميرا وتەشيەۆا، كاسىپكەرلەر پالاتاسىنىڭ ءبولىم باسشىسى:

 - ق ر اۋماعىندا 9 زاۋىت بار ەكەن، وسى قاعاز قالدىقتارىن ءوندىرىپ، وڭدەۋمەن اينالىساتىن. سول زاۋىتتار قازىر شيكىزاتسىز قالىپ تۇر. ءبىزدىڭ كاسىپكەرلەرگە كىشكەنە قيىنداۋ بولادى لوگيستيكا بويىنشا، تاۋاردى اپارۋ بويىنشا كىشكەنە قارجىلىق شىعىندار بولادى دەپ ەسەپتەيمىن.

كاسىپكەرلەر تىعىرىقتان شىعۋدىڭ بىردەن- ءبىر جولى قاعاز قالدىقتارىن وزىمىزدە وڭدەۋ دەپ سانايدى. الايدا، تۇرمىستىق قاتتى قالدىقتار پوليگونىندا قوقىس وڭدەۋ زاۋىتىن سالۋ جايى ازىرگە قاعاز بەتىندە عانا قالىپ تۇر.

 اۆتورلارى: ە. جىلقايدار ۇلى، ر. عازەزوۆ

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى