قازاقتان شىققان تۇڭعىش سۋرەتشى ايەل تۋرالى بىلەسىز بە؟

ول ەلدىڭ ونەرىنە سۇبەلى ۇلەسىن قوسقان جان رەتىندە تاريح بەتىندە قالدى. عۇمىرىن سۋرەتپەن ۇشتاستىرعان تۇلعانىڭ قولىنان شىققان تۋىندىلارى قازاق ايەلدەرىنىڭ كوركەم بەينەسىن كورسەتەدى.

ونەر ادامدارى اراسىندا كەڭىنەن تانىمال قىلقالام شەبەرى تۋرالى bugin.kz جازدى.

قازاق كەسكىندەمەشىسى جانە كينو سۋرەتشىسى ايشا عاريف قىزى عالىمبايەۆا 1917-جىلى 29- جەلتوقساندا الماتى وبلىسى، ەڭبەكشى قازاق اۋدانى، ەسىك قالاسىندا ومىرگە كەلگەن.

ول 1943-جىلى الماتى كوركەمسۋرەت ۋچيليشەسىن اياقتادى.

1949-جىلى ماسكەۋ جالپى وداقتىق كينەماتوگرافيستەر ينستيتۋتىنىڭ مودا ونەرى فاكۋلتەتىن ءبىتىردى.

سۋرەتشىنىڭ ەڭبەكتەرىندە قازاق ايەلدەرىنىڭ كوركەم بەينەسى بەينەلەنگەن.

ونىڭ كەز كەلگەن تۋىندىسىنان حالقىنىڭ ونەرىنە دەگەن ەرەكشە ماحابباتتى كورۋگە بولادى.

عالىمبايەۆانىڭ نەگىزگى ەڭبەكتەرى: «ساۋكەلە»، «كوكتەم جانە كۇز» جانە ت. ب.

ول قازاقستاننىڭ ەڭبەك سىڭىرگەن ونەر قايراتكەرى (1961)، قازاقستان حالىق سۋرەتشىسى (1967)، قازاق قىزدارىنىڭ اراسىنان شىققان العاشقى سۋرەتشى.

اتاقتى سۋرەتشى 2008-جىلدىڭ 21- ساۋىرىندە دۇنيەدەن وزدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى