وسپانوۆتىڭ ورالۋى: قازاقستاندىق سپورتشىنىڭ قارسىلاسى انىقتالدى

قازىرگى تاڭدا وتانداسىمىزدىڭ قارسىلاسى انىقتالىپ ۇلگەردى. ارمان وسپانوۆ جاراقاتىنا بايلانىستى ۇزاق ۋاقىت جەكپە-جەكتەرگە شىققان جوق. قازاقستاندىق سپورت سۇيەر قاۋىم دا سپورتشىنىڭ وكتاگونعا ورالعانىن كۇتتى.

ا س ا 95 تۋرنيرىندە وتانداسىمىز نەمىس سپورتشىسى لوم-الي ەسكيەۆپەن شايقاسادى. تەگى شەشەن بولىپ كەلەتىن فايتەر سوڭعى جىلدارى ديۋسسەلدورفقا قونىس اۋدارعان.

گەرمانيادا «ارىستان» دەگەن لاقاپ اتپەن تانىمال. سەگىزبۇرىشتا 20 جەكپە-جەك وتكىزىپ، 15 دە جەڭىسكە جەتكەن. 4 رەت ۇتىلىپ، 1 رەت قارسىلاسىمەن تەڭ تۇسكەن.

لوم-الي ەسكيەۆ گەرمانياداعى بولاشاعى زور سپورتشىلاردىڭ ءبىرى سانالادى. 2013-جىلى RNC- Martial Arts Gala تۋرنيرى كەزىندە قارسىلاسى ۆۋگار باحشيەۆتى 13 سەكۋندتا ۇتىپ شىققان. وسىدان كەيىن سپورتشىنىڭ تانىمالدىلىعى ارتقان.

«سۇڭقار» سوڭعى رەت 2017-جىلدىڭ جەلتوقسان ايىندا جەكپە-جەك وتكىزدى. رەسەيلىك الەكساندر پولپۋدنيكوۆكە تورەشىلەر شەشىمى بويىنشا جول بەردى. ودان كەيىن جاراقاتىنان ەمدەلدى. بىلتىر بىرنەشە رەت جەكپە-جەك وتكىزۋ جوسپارلانعانمەن، جۇزەگە اسپادى.

 بىرىندە قارسىلاسى شىقپاي قويسا، بىرىندە تاعى ءبىر سەبەپتەر تۋىندادى. ەندى ساۋىردە وسپانوۆتىڭ وكتاگونعا ورالۋىن كۇتەمىز. جەكپە-جەك جارتىلاي جەڭىل سالماق دارەجەسىندە وتەدى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى