ىستانبۇلدا «تۇركى الەمىندەگى ايەلدەر ءرولى» تاقىرىبىندا حالىقارالىق جيىن وتەدى
القالى جيىندى بولگارياداعى (BULTـRK) تۇركى مادەنيەتى قاۋىمداستىعى، ىستانبۇل قالاسىنداعى بايرامپاشا اۋدانىنىڭ مۋنيتسيپاليتەتى، مولدوۆانىڭ دوستىق، مادەنيەت جانە ىنتىماقتاستىق قاۋىمداستىعى، سونداي-اق بولگاريانىڭ ستراتەگيالىق زەرتتەۋ ورتالىعى ۇيىمداستىرىپ وتىر.
BULTـRK ءتوراعاسى رافەت ۋلۋتيۋركتىڭ حابارلاۋىنشا، كونفەرەنسيا تۇركى الەمىندەگى ايەلدەردىڭ ءرولىن تالقىلاپ قانا قويماي، ولاردىڭ ۇكىمەتتىك ەمەس ۇيىمدارىنىڭ ماقسات-مىندەتىن ايقىنداۋعا كومەكتەسەتىن بولادى.
«كونفەرەنسيا وتە ماڭىزدى. ءبىز نازىك جانداردىڭ حالىقارالىق تۇعىرناماسىن قۇرىپ، بۇل ارقىلى نازىك جاندار وكىلدەرىنىڭ وزەكتى ماسەلەلەرىنە نازار اۋدارتۋعا تىرىسامىز. القالى جيىنعا جەرگىلىكتى جانە شەتەلدىڭ ب ا ق شاقىرىلىپ وتىر. كونفەرەنسيا قورىتىندىسى بويىنشا مالىمدەمە قابىلداناتىن بولادى»، - دەيدى ۋلۋتيۋرك.
