ۇلتتىق بانك ۆاليۋتا نارىعىنداعى احۋالعا پىكىر ءبىلدىردى
بۇل تۋرالى بۇگىن الماتىدا قارجى ساراپشىلارىمەن كەزەكتى كەزدەسۋ بارىسىندا ق ر ۇلتتىق بانكى مونەتارلىق وپەراتسيالار دەپارتامەنتىنىڭ ديرەكتورى ءاليا مولدابەكوۆا ايتتى، دەپ حابارلايدى قازاقپارات.
«باعام بەلگىلەۋدىڭ ىرگەلى درايۆەرلەرى - مۇناي باعاسى مەن رەسەي رۋبلىنىڭ باعامى جەتكىلىكتى تۇردە قولايلى قالىپتاسۋدا. مىسالى، Brent ماركالى مۇناي باررەلىنىڭ باعاسى شامامەن 65 ا ق ش دوللارىن قۇرايدى. رۋبلدىڭ ا ق ش دوللارىنا قاتىستى ايىرباستاۋ باعامى مولشەرلەمەنىڭ ارتۋىن كۇتۋگە قاتىستى فەدەرالدى رەزەرۆتىك جۇيە ريتوريكاسىنىڭ جەڭىلدەۋى اياسىندا قالىپقا كەلگەنىن كورسەتتى. بازالىق مولشەرلەمە بويىنشا وتكەن جولعى شەشىمنەن كەيىن تەڭگە باعامى 373,56 - 382,74 دياپازون ارالىعىندا اۋىتقىدى»، - دەدى ءاليا مولدابەكوۆا.
دەپارتامەنت باسشىسى اقشا نارىعىنداعى احۋال وتىمدىلىكتىڭ قۇرىلىمدىق پروفيتسيتىمەن سيپاتتالعانىن اتاپ ءوتتى.
«اقشا- كرەديت ساياساتى وپەراتسيالارى بويىنشا اشىق پوزيتسيا شامامەن 4 تريلليون تەڭگەنى قۇراپ، ۇلعايدى. 2019 -جىلعى 18 -اقپاندا اشىق نارىعى وپەراتسيالارىنىڭ قۇرالى رەتىندە دەپوزيتتىك اۋكتسيون ەنگىزىلدى. ءبىر مەزگىلدە 7 كۇندىك اينالىس مەرزىمىمەن قىسقا مەرزىمدى نوتتار شىعارىلىمى توقتاتىلدى»، - دەدى ول.
