استانادا ارۋلار مەرەكەسى قالاي تويلانادى؟
مەرەكەگە وراي ەلوردالىق مادەنيەت مەكەمەلەرى ءتۇرلى كوڭىل كوتەرۋ باعدارلامالارىن دايىندادى، دەپ حابارلايدى قازاقپارات قالالىق مادەنيەت جانە سپورت باسقارماسىنا سىلتەمە جاساپ.
نازارلارىڭىزعا الداعى مەرەكەلىك شارالار تۋرالى اقپاراتتى ۇسىنامىز:
1- ناۋرىزدا تاۋەلسىزدىك سارايىندا «گۇلدىڭ ءنارى» كورمەسى اشىلدى. 30- ناۋرىزعا دەيىن جالعاساتىن ەكسپوزيتسيانى ساعات 10.00 دەن 18.00 گە دەيىن كورۋگە بولادى.
قالالىق كىتاپحانالاردا دا ءبىرقاتار كىتاپ كورمەلەرى وتەدى. ولاردى 10- ناۋرىزعا دەيىن تاماشالاۋعا بولادى. مىسالى، 4№ بالالار كىتاپحاناسىندا «پرەكراسنىح جەنشين يمەنا» كورمە-گالەرەياسى ۇيىمداستىرىلدى. 3№ بالالار كىتاپحاناسىندا «اينالايىن، اق مامام! مامينا ۋلىبكا!» شاراسى، ميچۋرينو كەنتىندەگى كوپشىلىك كىتاپحاناسىندا 8- ناۋرىزعا وراي «كوكتەم - انا، قىزدار - گۇل» قولدانبالى ونەر كورمەسى وتەدى.
6- ناۋرىزدا ساكەن سەيفۋللين مۋزەيى، «بايتەرەك» مونۋمەنتى جانە الجير مۋزەيى ساعات 10.00-18.00 ارالىعىندا تۇرمىسى تومەن وتباسىلار مەن كوپبالالى انالاردى اشىق ەسىك كۇنىنە شاقىرادى.
6- ناۋرىزدا «جاستار» سارايىندا ساعات 18.30 دا «استانا» ە س و بيگ-بەندىنىڭ «دجاز- ليۋبوۆ-ۆەسنا» كونسەرتى وتەدى.
وسى كۇنى «استانا» كونسەرت زالىندا «و چەم پويۋت مۋجچينى» كونسەرتى ۇيىمداستىرىلادى، ال ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ۇجىمى ەلوردا تۇرعىندارى مەن قوناقتارىن «قالام مەن بەسىك تەربەگەن» ادەبي-شىعارماشىلىق كەشىنە شاقىرادى.
7- ناۋرىزدا ساعات 17.00 دە «قازاقستان» و ك ز- دا حالىقارالىق ايەلدەر كۇنىنە ارنالعان «الەمنىڭ جارىعى» مەرەكەلىك كونسەرتى وتەدى.
مەرەكە كۇندەرى ەلوردالىق تەاترلاردا ءبىرقاتار قويىلىمدار ساحنالانادى.
10- ناۋرىزدا «جاستار» سارايىندا «ۆەسەننيايا كاپەل» بالدىق بيلەر جارىسى وتەدى. 8- ناۋرىزعا ارنالعان مەرەكەلەر لەگى 16- ناۋرىزدا ساعات 15.00-دە 5№ كوپشىلىك كىتاپحاناسىنىڭ «جيۆايا كنيگا» «يا ۆسە تاكي ليۋبليۋ تەبيا، ۆەسنا!» جوباسىمەن اياقتالادى. وسى كۇنى كەشكە ساعات 19.00 دە ق ر حالىق ءارتيسى ماقپال ءجۇنىسوۆا قالا تۇرعىندارى مەن قوناقتارىن «استانا» كونسەرت زالىندا وتەتىن «جان انا» اتتى كونسەرتىنە شاقىرادى.
