وزبەكستان تۇڭعىش پرەزيدەنتىنىڭ ۇلكەن قىزى تاشكەنتتە تۇتقىندالدى
ساياساتكەردىڭ قىزىنا شىعارىلعان ۇكىمدى قايتا قاراستىرۋ تۋرالى اقپارات مەملەكەتتىڭ باس پروكۋراتۋراسىنىڭ سايتىندا جاريالانعان دەپ حابارلايدى KAZ. NUR. KZ.
انىقتالعانداي، كاريموۆا 2017-جىلدىڭ جەلتوقسانىندا تاشكەنت وبلىستىق سوتىنىڭ شەشىمىمەن 10 جىلعا باس بوستاندىعىنان ايىرىلعان.
الايدا، 2018-جىلدىڭ شىلدە ايىندا وعان تاعىلعان جازا اۋىستىرىلىپ، پرەزيدەنتتىڭ قىزىن بەس جىلعا سوتتاۋ تۋرالى ۇكىم شىقتى.
باس پروكۋراتۋرانىڭ مالىمدەۋىنشە، كاريموۆا سوت ورگانى بەكىتكەن تالاپ-مىندەتتەرىن جۇيەلى تۇردە بۇزىپ تۇرعان.
22- قاراشا كۇنى ول وزدىگىنەن تۇرعىلىقتى مەكەن-جايىنان كەتىپ قالعان.
«قىلمىستىق ىستەر بويىنشا ياشناباد اۋداندىق سوتى 2019-جىلدىڭ 5- ناۋرىز كۇنى سوتتالۋشى گۇلنار كاريموۆانى باس بوستاندىعىنان ايىرىپ، جازاسىن جالپى رەجيمدەگى كولونيادا وتەيتىنى تۋرالى شەشىم قابىلدادى»، - دەپ جازىلعان پروكۋراتۋرا حابارلاماسىندا.
