كوپبالالى وتباسىلارعا بەرىلەتىن باسپانانىڭ باعاسى قانشا؟

وسكەنبايەۆتىڭ ايتۋىنشا، مينيسترلىك قازىر بىرنەشە تەتىكتى پىسىقتاپ جاتىر.

«ءبىز شارشى مەترىن شامامەن 140 مىڭ تەڭگەدەن الدىق. بۇل «نۇرلى جەر» باعدارلاماسى اياسىندا. الدىمەن تۇرعىن ءۇي اۋماعىنىڭ پارامەترلەرىن بەلگىلەپ العىمىز كەلدى. كەيىن جەرگىلىكتى اتقارۋشى ورگانداردان ۇسىنىستار ءتۇستى. ەگەر ءبىز پاتەر باعاسىن بەلگىلەسەك، وندا ولار اكىمدىكتەرگە وزدەرى شەشىم قابىلداۋعا مۇمكىندىك بەرمەكشى»، - دەيدى ۆيتسە- مينيستر ۇكىمەت ۇيىندە وتكەن باسپا ءسوز ءماسليحاتىندا.

ءمينيستردىڭ ورىنباسارى ازىرگە بۇل ناقتى ءارى سوڭعى شەشىم ەمەس ەكەنىن اتاپ ءوتتى.

«بۇل سوڭعى شەشىم ەمەس ەكەنىن ايتقىم كەلەدى. ايتپەسە، قازىر مۇنىڭ ءبارى سولاي بولىپ كورىنۋى مۇمكىن»، - دەپ ەسكەرتتى وسكەنبايەۆ.

سونىمەن قاتار ول كوپبالالى تۇرمىسى تومەن وتباسىلارعا ارنالعان بيۋدجەتتىك كرەديتكە دە توقتالدى.

«ءبىز ءتيىستى تەتىكتەردى ازىرلەپ جاتىرمىز. قازىر تۇرعىن ءۇي قۇرىلىس جيناق بانكى ءوز ينۆەستيتسيالىق باعدارلاماسىن ازىرلەپ جاتىر. ولار جىلدىق 2 پروتسەنتپەن 20 جىلعا پاتەر ساتىپ الۋعا مۇمكىندىك بەرۋگە دايىن. ءبىز ءالى قاراستىرامىز - 20 نەمەسە 25 جىل. تۇرعىندارعا ىڭعايلى بولۋ ءۇشىن باستاپقى جارناعا قاتىستى دا بىرنەشە تەتىكتى قاراستىرۋدامىز»، - دەدى ۆيتسە- مينيستر.

sputniknews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى