قازاقستاندا التىن وندىرەتىن تاعى ءبىر كاسىپورىن اشىلادى
التىن وندىرەتىن كاسىپورىن بالقاش كولىنىڭ جاعالاۋىندا ورنالاسپاق. جاڭا جوباعا 1,6 ميلليارد تەڭگە ينۆەستيتسيا تارتىلدى. سارقان اۋدانىنىڭ اكىمى مارات رازبەكوۆتىڭ ايتۋىنشا، زاۋىتقا بۇگىنگى كۇنى بارلىق تەحنيكالار الىنىپ، دايىنداق جۇمىستارى پىسىقتالۋدا.
«اۋدان ەكونوميكاسى بىلتىرعى جىلى قارقىندى دامۋ كورسەتكىشتەرىنە قول جەتكىزىپ، ءبىرقاتار زاۋىت ىسكە قوسىلدى. ونەركاسىپتى العا جىلجىتۋ شەڭبەرىندە 2019 -جىلعا دا جوبالار وتە كوپ. سونىڭ ءبىرى - التىن شىعارۋ زاۋىتى. ول ءوز جۇمىسىن باستاسا، 60 قا جۋىق ادام ۆاحتالىق جۇمىسپەن قامتىلماق. قازىرگى تاڭدا التىننىڭ سىنامالارى الىندى، ولار زەرتحانالاردا تەكسەرىلىپ، وڭ ناتيجەلەر كورسەتۋدە» ، - دەيدى ول.
جالپى العاندا، سارقان اۋدانىنىڭ بيۋدجەت كىرىسى 1 ميلليارد 334 ميلليون تەڭگەنى قۇراپ، بىلتىرعى جىلمەن سالىستىرعاندا 107 پايىزعا وسكەن.
سونداي- اق اۋدان باسشىسى 2019 -جىلى اتقارىلاتىن جۇمىستارعا دا توقتالىپ ءوتتى. اۋىل شارۋاشىلىعى بويىنشا وندىرىلگەن ءونىم كولەمىن 35 ميلليارد تەڭگەگە جەتكىزۋ كوزدەلىپ وتىر. بيىل 2850 گەكتارعا قانت قىزىلشاسى سەبىلەدى. ونەركاسىپ ءوندىرىسىنىڭ كولەمىن 4 ميلليارد 90 ميلليون تەڭگەگە جەتكىزىلمەك.
كوكتەم ايلارىندا ەلباسىنىڭ «ۇلى دالانىڭ جەتى قىرى» اتتى ماقالاسىنا سايكەس توپوليەۆكا اۋىلىندا «سيۆەرس» الماسىنىڭ گۇلدەنۋىنە ارنالعان فەستيۆال ۇيىمداستىرىلادى.
