سەمەيدەگى «اباي ارەنا» كەشەنى بيىل قولدانىسقا بەرىلەدى
2017 -جىلى قۇرىلىسى باستالعان مادەني- سپورتتىق نىسان ءۇش بلوكتان تۇرادى. بۇگىندە بىرىندە ارلەۋ جۇمىستارى جۇرگىزىلىپ جاتسا، ءۇشىنشى بلوكتىڭ قاسبەتى 50 پايىزعا اياقتالدى.
« ءۇشىنشى بلوكتىڭ ىشىندەگى ارلەۋ جۇمىستارى قىستا باستالدى. كەشەندى جىلۋمەن جابدىقتاۋ سول كەزدە اياقتالعان بولاتىن. ءبىرىنشى جانە ەكىنشى بلوكتاردىڭ شاتىر بولىگىندەگى جۇمىس تولىعىمەن ءبىتتى» ، - دەدى سەمەي قالاسى اكىمىنىڭ ورىنباسارى نيكولاي ۋشاكوۆ.
نىساننىڭ قۇرىلىسىنا 8 كومپانيانىڭ 200 دەن استام ادامى تارتىلعان.
مەردىگەر ۇيىمدارعا جانە تاپسىرىس بەرۋشىلەر ءقازىر جۇكتەلگەن جۇمىستاردى بەلگىلەنگەن كەستەگە سايكەس جۇرگىزۋدە.
زاماناۋي تالاپتار بويىنشا بوي كوتەرىپ جاتقان نىساندا ينجەنەرلىك كوممۋنيكاتسيالار، ۆەنتەلياتسيا، جىلىتۋ جۇيەسى، باسسەينگە سۋ بەرۋگە قاجەتتى قۇرال- جابدىقتار سوڭعى تەحنولوگيالار بويىنشا ورناتىلۋدا. نىسان وسى جىلدىڭ جەلتوقسان ايىندا پايدالانۋعا بەرىلمەك.
