ءبىلىم ءمينيسترى وقۋلىقتاردى ازىرلەۋدىڭ ولقىلىعىن اتادى

ءمينيستردىڭ ايتۋىنشا، جاقىندا رەسپۋبليكالىق كوميسسيا ءوز جۇمىسىن اياقتاعان بولاتىن. سونىڭ قورىتىندىسى بويىنشا باستاۋىش سىنىپتاردىڭ ءبىرقاتار وقۋلىقتارى وڭدەۋگە قايتارىلدى. «بۇدان بولەك، جاقىن ارادا مينيسترلىكتىڭ مەكتەپكە دەيىنگى جانە ورتا ءبىلىم دەپارتامەنتى «وقۋلىق» ورتالىعىمەن بىرگە قوعامدىق وقۋ شارالارىن ۇيىمداستىرادى. وتكەن جىلى دا اتالعان شارالار ءوتتى. سونىڭ ناتيجەسىندە وقۋلىقتار باسپاعا جىبەرىلەدى»، - دەدى ك. ءشامشيدينوۆا جۋرناليستەرگە بەرگەن سۇxباتىندا.

ونىڭ سوزىنە قاراعاندا، وقۋلىقتان بولەك مۇعالىمدەردىڭ كاسىبي بىلىكتىلىگىن ارتتىرۋ دا ماڭىزدى. «وقۋلىق - بالالاردى وقىتۋدىڭ ءبىر قۇرالى عانا. جاڭا ستاندارتتار اياسىندا مۇعالىمدەردى دە، ساراپشىلاردى دا، اۆتورلاردى دا دايارلاۋ شارالارى اتقارىلىپ كەلەدى. سوندىقتان ءبارىن ءبىر كۇننىڭ ىشىندە وزگەرتۋ مۇمكىن ەمەس، اۆتورلار دا ءبىر كۇندە جاڭا تالاپتارعا بەيىمدەلە المايدى. سوندىقتان بەلگىلى ءبىر ولقىلىقتار بار»، - دەپ اتاپ كورسەتتى ك. ءشامشيدينوۆا.

ايتا كەتەيىك، بۇعان دەيىن مينيستر حانىم ءبىلىمنىڭ ساپاسىن ارتتىرۋعا قاتىستى شارالاردى ءتۇسىندىردى. بۇگىندە مەكتەپتەن باستاپ ەڭبەك نارىعىنا بەيىمدەلۋ كەرەك. وسىعان بايلانىستى بەلگىلى ءبىر ماماندىققا سۇرانىس بولا ما، جوق پا، وسىنى قازىردەن باستاپ ەسكەرگەن ءجون.

«مىسالى، steam-وقىتۋ، stream-وقىتۋ سياقتى تاسىلدەر بار. ماتەماتيكا، ينفورماتيكا، حيميا، فيزيكا مەن بيولوگيا سياقتى پاندەردى ينتەگراتسيالاۋعا بولادى. سونىڭ ارقاسىندا بالالاردىڭ جۇكتەمەسىن دە ازايتۋعا مۇمكىندىك بار. ەڭ باستىسى، پاندەردىڭ مازمۇنى ءبىر- ءبىرىن قايتالاماي، بالالاردى دامىتۋعا كومەكتەسۋى كەرەك. بۇگىندە كاسىپتىك- تەحنيكالىق جانە جوعارى ءبىلىم سالاسىندا دا مامانداردى ەڭبەك نارىعىنا قاراي دايارلاۋ قاجەت»، - دەيدى ك. ءشامشيدينوۆا.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى