ق ر سىرتقى ىستەر مينيسترلىگىنىڭ ورتالىق اپپاراتىندا قانشا جاس ديپلومات جۇمىس ىستەيدى؟
بۇل تۋرالى بۇگىن «قازاقستان ديپلوماتياسىنىڭ جاڭا ەسىمدەرى» اتتى كىتاپتىڭ تانىستىرىلىمىندا ق ر س ءى م ورىنباسارى رومان ۆاسيلەنكو ايتتى، دەپ حابارلايدى قازاقپارات ءتىلشىسى.
«ءبىزدىڭ ورتالىق اپپاراتتا 289 جاس ديپلومات جۇمىس ىستەيدى. ونىڭ ىشىندە 60 ادام باسشىلىق لاۋازىمدا قىزمەت اتقارادى»، - دەدى ول.
وسى ورايدا ۆيتسە-مينيستر ورتالىق اپپاراتتىڭ باسشىلىق قىزمەتتە 9 ايەلدىڭ بارىن جانە الداعى ۋاقىتتا بۇل ساندى ۇلعايتۋ باعىتىندا جۇمىس جۇرگىزىلەتىندىنىن ايتتى.
«گەندەرلىك تەڭدىكتى رەتتەۋ باعىتىندا جۇمىس جۇرگىزەتىن بولامىز. بىزدە ايەل ەلشىلەر دە بار. قازىرگى ۋاقىتتا 60 ەلشىنىڭ ۇشەۋى - ايەل. ولار بەلگيا، تايلاند جانە شۆەيتساريادا جۇمىس ىستەيدى. دەگەنمەن مۇنىڭ ءوزى دە ىلگەرىلەۋشىلىك دەسەك بولادى. سەبەبى ەرتەرەكتە گوللانديادا عانا بولعان ەدى»، - دەدى س ءى م ورىنباسارى.
سونىمەن قاتار ول ۆەدومستۆودا 2 PHD دوكتورى، 1 عىلىم كانديداتى، «بولاشاق» ستيپەندياسىنىڭ 18 تۇلەگى، ق ر پرەزيدەنتى جانىنداعى مەملەكەتتىك باسقارۋ اكادەمياسى ديپلوماتيا ينستيتۋتىنىڭ 86 تۇلەگى جۇمىس ىستەيتىنىن اتاپ ءوتتى.
«ولارعا تۇراقتى نەگىزدە كاسىبي دەڭگەيلەرىن كوتەرۋگە مۇمكىندىك بەرىلەدى. ديپلوماتتارىمىز مەملەكەتتىك باسقارۋ اكادەمياسىندا ۇنەمى بىلىكتىلىگىن ارتتىرىپ، قايتا دايىندىقتان وتەدى. ماگيستراتۋرادا، اسپيرانتۋرادا ءبىلىم الادى»، - دەدى ول.
