قازاقستاندا دومبىرا ەسكەرتكىشىن جاساۋعا بايقاۋ جاريالاندى
«2018-جىلى ەلباسىنىڭ شەشىمىمەن شىلدەنىڭ ءبىرىنشى جەكسەنبىسى ۇلتتىق دومبىرا كۇنى بولىپ جاريالاندى. ايتۋلى باستامانى ودان ءارى جۇزەگە اسىرۋ جانە ۇلتتىق مادەنيەت پەن رۋحاني بەدەلىمىزدى نىعايتۋ ماقساتىندا ق ر ۇلتتىق اكادەميالىق كىتاپحاناسى قازاق حالقىنىڭ مۋزىكالىق مادەنيەتىنىڭ باستى سيمۆولى ءارى ۇلى اسپابى دومبىرا ەسكەرتكىشى كومپوزيتسياسىنا بايقاۋ جاريالايدى»، - دەپ جازىلعان اتالعان كىتاپحانانىڭ فەيسبۋك پاراقشاسىندا.
بايقاۋعا ەلىمىزدىڭ سۋرەتشىلەرى مەن مۇسىنشىلەرى شاقىرىلادى.
سونداي-اق، شىعارماشىلىق سىنعا قاتىسۋشىلاردىڭ ەڭبەكتەرى الەۋمەتتىك جەلىلەردە (Facebook) جاريالانىپ، ونىڭ ىشىنەن ۇزدىك جۇمىستى تاڭداۋعا داۋىس بەرۋ جۇزەگە اسىرىلادى.
«بىزدەن قويىلاتىن تالاپتار: ەسكەرتكىش 20 مەتر بيىكتىككە سايكەس كەلۋى، دىبىستىق ەففەكتىلەردى بەرۋى جانە مەتال قۇرىلعىدان جاسالۋى شارت. ەڭ ۇزدىك جۇمىس ق ر ۇلتتىق اكادەميالىق كىتاپحاناسىنىڭ الدىندا ورناتىلادى. بايقاۋ جۇمىستارى اعىمداعى جىلدىڭ 24- ناۋرىز كۇنىنەن باستاپ قابىلدانادى»، - دەلىنگەن حابارلامادا.
ەسكە سالا كەتسەك، وتكەن جىلى ەلباسىنىڭ جارلىعىمەن شىلدە ايىنىڭ ءبىرىنشى جەكسەنبىسى ۇلتتىق دومبىرا كۇنى بولىپ بەلگىلەندى.
