پاۆلوداردا «اقبوز ءۇي» بايقاۋى وتەدى
پاۆلودار قالاسى مادەنيەت جانە تىلدەردى دامىتۋ ءبولىمى قالانىڭ ورتالىق الاڭىندا كيىز ءۇي تىككەن مەكەمەلەردىڭ اراسىندا «اقبوز ءۇي» قالالىق بايقاۋىن جاريالادى
«بايقاۋدىڭ ماقساتى - قازاق حالقىنىڭ وتكەن تاريحى مەن تۇرمىس- سالتىنان تانىمدىق ماعلۇمات بەرەتىن كيىز ءۇي مەن ونىڭ ىشكى جابدىقتارىن كورنەكى تۇردە كورسەتۋ. وسى ارقىلى قازاق حالقىنىڭ ءتالىم- تاربيەسىن، سالت- ءداستۇرىن، ادەت- عۇرپىن، ونەرى مەن مادەنيەتىن ناسيحاتتاۋ. قازاق ەلىنىڭ وتكەن تاريحى مەن تۇرمىسىنىڭ كۋاسى، كيەلى ورداسى - كيىز ءۇيدىڭ ىشكى، سىرتقى كوركى، ءسانى جانە سالتاناتىنا سايكەس بەزەندىرۋ»، - دەدى باسپا ءسوز قىزمەتىندە.
«اقبوز ءۇي» كيىز ۇيلەر بايقاۋىنا قاتىسۋشى كيىز ءۇي يەلەرى كيىز ءۇيدىڭ ىشكى جانە سىرتقى اسەمدىگىنەن وزگە قوناقجايلىلىق تانىتۋعا، داستارحان مازىرىنە، ءداستۇرلى ناۋرىز كوجەنى ازىرلەۋگە، ناۋرىز باتا بەرۋگە كوڭىل ءبولۋى ءتيىس. كونكۋرس قاتىسۋشىلارى كيىز ءۇيدىڭ ىشكى جانە سىرتقى جابدىقتارى تۋرالى دا جان- جاقتى ءبىلۋى ءتيىس.
«اقبوز ءۇي» بايقاۋىنىڭ قورىتىندىسى 2019 -جىلعى 22 - ناۋرىزدا، ياعني ورتالىق الاڭدا وتەتىن ناۋرىز مەرەكەسىندە جاريالانادى.
