قاسىم- جومارت توقايەۆ ديپلوماتيالىق كورپۋستىڭ وكىلدەرىن قابىلدادى
«سەنات ءتوراعاسى ارمەنيانىڭ قازاقستانداعى جاڭا ەلشىسى گاگيك گالاچياندى قابىلداۋ بارىسىندا ارمەنيانىڭ كەزەكتەن تىس پارلامەنتتىك سايلاۋدى تابىستى وتكىزۋىمەن قۇتتىقتادى جانە ءبىزدىڭ ەلدەرىمىزدىڭ زاڭ شىعارۋ ورگاندارى اراسىنداعى دوستىق قاتىناستاردى جالعاستىرۋعا ىقىلاستى ەكەنىن جەتكىزدى» ، - دەپ اتاپ وتىلگەن سەناتتىڭ باسپا ءسوز قىزمەتىنىڭ حابارلاماسىندا.
سەنات ءتوراعاسىنىڭ ايتۋىنشا، قازاقستاندا ارميان مەملەكەتى مەن ونىڭ حالقىنا، مادەنيەتى مەن سالت- داستۇرىنە جىلى شىرايلى كوزقاراستى بەرىك ۇستانادى. قازاق جانە ارميان حالىقتارى اراسىندا ەجەلدەن دوستىق ءداستۇرى قالىپتاسقان، سوندىقتان، پارلامەنتىڭ جوعارعى پالاتاسىنىڭ ءتوراعاسى عاسىرلار قويناۋىنا كەتەتىن مادەني بايلانىستار مەن ىنتىماقتاستىقتى زەرتتەۋ جۇمىستارىنىڭ ماڭىزى زور دەپ سانايدى. ق. توقايەۆ قازاقستان مەن ارمەنيانىڭ ەقىۇ مەن ەاەو- داعى، سونداي- اق باسقا دا حالىقارالىق ۇيىمدارداعى ءوزارا ءىس- قيمىلى باسىمدىققا يە ەكەنىن اتاپ ءوتتى.
ق. توقايەۆ قىرعىزستان ەلشىسى جەەنبەك كۋلۋبايەۆپەن كەزدەسۋ بارىسىندا قازاقستان مەن قىرعىزستاننىڭ زاڭ شىعارۋ ورگاندارىنىڭ تمد پارلامەنتارالىق اسسامبلەياسى، ۇ ق ش ۇ پارلامەنتتىك اسسامبلەياسى مەن ە ق ى ۇ پارلامەنتتىك اسسامبلەياسى اياسىنداعى تىعىز ىنتىماقتاستىعىن جوعارى باعالادى. سەنات ءتوراعاسى ساۋدا- ەكونوميكالىق جانە مادەني- گۋمانيتارلىق ىنتىماقتاستىقتى ودان ءارى نىعايتۋدىڭ ماڭىزدىلىعىن اتاپ ءوتتى. كەزدەسۋگە قاتىسۋشىلار ايماقتاعى، ونىڭ ىشىندە ەجەلگى جىبەك جولى اياسىنداعى تۋريستىك باعىتتاردى ودان ءارى دامىتۋ مۇمكىندىكتەرى تۋرالى پىكىر الماستى.
بۇدان بولەك، قاسىم- جومارت توقايەۆ پەن تۇرىكمەنستاننىڭ ەلشىسى تويلى كومەكوۆ ەكى جاقتى كۇن تارتىبىندەگى اۋقىمدى ماسەلەلەر بويىنشا پىكىر الماستى. سەنات ءتوراعاسى 2018 -جىلدىڭ تامىز ايىندا كاسپي تەڭىزىنىڭ قۇقىقتىق مارتەبەسى تۋرالى كونۆەنتسياعا اقتاۋدا قول قويىلۋى نەگىزىنەن ەكى ەلدىڭ ءتيىستى مەكەمەلەرىنىڭ ءوزارا ناتيجەلى ىنتىماقتاستىعىنىڭ كورىنىسى دەپ سانايدى. كاسپيي ماڭى مەملەكەتتەرىنىڭ ەكىجاقتى جانە كوپجاقتى سيپاتتاعى ساياسي، ساۋدا- ەكونوميكالىق جانە گۋمانيتارلىق ىنتىماقتاستىقتى دامىتۋعا جاڭا مۇمكىندىكتەر اشاتىن بۇل قۇجاتتى قازاقستان مەن تۇرىكمەنستان پارلامەنتتەرى راتيفيكاسيالاعان بولاتىن.
مۇنىمەن قوسا، ق. توقايەۆ جاپونيانىڭ ەلشىسى تاتسۋحيكو كاسايدى استاناداعى جۇمىسىنىڭ باستالۋىمەن قۇتتىقتادى جانە ونىڭ قىزمەتى ساياسي ءۇنقاتىسۋدى ودان ءارى ىلگەرىلەتۋگە، ساۋدا- ەكونوميكالىق جانە ينۆەستيتسيالىق قاتىناستارعا قارقىن قوسۋعا ەلەۋلى ۇلەس قوساتىنىنا سەنىم ءبىلدىردى. سەنات ءتوراعاسى پرەزيدەنت ن. نازاربايەۆتىڭ 2016 -جىلى جاپونياعا جاساعان ساپارىنىڭ قورىتىندىلارى جونىندەگى دەكلاراتسيادا ءبىزدىڭ ەلدەرىمىزدىڭ باسشىلارى ەكىجاقتى قاتىناستاردى جاڭا ساپالىق دەڭگەيدەگى كەڭەيتىلگەن ستراتەگيالىق ارىپتەستىككە شىعارۋدى ناقتىلاعانىن ەسكە سالدى. قازاقستان مەن جاپونيادا جەر جۇزىندە يادرولىق قارۋدى تاراتپاۋ سالاسىنداعى ىنتىماقتاستىقتىڭ مول تاجىريبەسى جيناقتالدى. جۇزدەسۋشىلەر پارلامەنتارالىق ءۇنقاتىسۋدى ودان ءارى دامىتۋ مۇمكىندىكتەرىن دە تالقىلادى.
