قازاقستاندا بەنزين باعاسى قالاي وزگەردى؟

«قازاقستاندا قاڭتار ايىندا وندىرىلگەن مۇناي كولەمى مەن گاز كوندەنساتى 8 ميلليون توننانى قۇرادى. ونىڭ جارتىسىنان كوبى - 4,4 تونناسى (55,1 پايىزى) اتىراۋ وبلىسىندا وندىرىلگەن. ەكىنشى ورىندا جانە ءۇشىنشى ورىندا ماڭعىستاۋ (1,5 ميلليون توننا، ۇلەسى 19 پايىز) جانە باتىس قازاقستان وبلىسى (1,1 ميلليون توننا، ۇلەسى 13,3 پايىز) تۇر»، - دەلىنگەن حابارلامادا.

مۇناي وندىرىسىمەن بىرگە جانار-جاعارماي ءوندىرىسى دە ارتقان. اتاپ ايتقاندا، بەنزين ءوندىرىسىنىڭ ءوسىمى 31,5 پايىزدى، ديزەلدىك وتىن ءوندىرىسىنىڭ ءوسىمى 10,6 پايىزدى قۇراعان.

ەلدە مۇناي مەن جانار-جاعارماي ءوندىرىسىنىڭ ارتقانىنا قاراماستان، سەگمەنتتەگى باعالار، اسىرەسە ديزەلدىك وتىننىڭ باعاسى ايتارلىقتاي ءوسىپ كەتكەن. قىسقى ديزەلدىك وتىن بىردەن 26,2 پايىزعا قىمباتتاپ، ليترىنە 268 تەڭگەنى كورسەتكەن. ال جازعى ديزەلدىك وتىن 21,9 پايىزدىق وسىممەن ليترىنە 193 تەڭگەگە جەتكەن.

سونىمەن بىرگە، اي-98 ماركالى بەنزيننىڭ دە باعاسى 1 پايىزعا ءوسىپ، 191 تەڭگەنى قۇراعان. ال اي-95/96 جانە اي-92 ماركالى بەنزيننىڭ باعالارى كەرىسىنشە، 2,1 پايىزعا (ليترىنە 174 تەڭگە) جانە 4,6 پايىزعا (ليترىنە 152 تەڭگە) ارزانداعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى