استانادا ۇيىنە داتچيك قويىلعان وتباسى گاز يىسىنە ۋلانۋدان امان قالدى

«بۇگىن تۇسكى 12 ساعات 15 مينۋتتا «112» قىزمەتىنە جەدەل جاردەم ستانسياسىنان «كوكتال-2» تۇرعىن ءۇي الابى، اقمولا كوشەسى، 30 ءۇي مەكەنجايىندا گاز يىسىنەن ۋلانۋ وقيعاسى ورىن العانى تۋرالى اقپارات كەلىپ ءتۇستى. جەدەل جاردەم شاقىرعان ايەلدىڭ ايتۋىنشا وقيعا تۇنگى 02:00-دە ورىن الىپ، داتچيك بىردەن دابىل قاققان جانە ءۇي كوك تۇتىنگە اينالعان. ءۇش بالاسىمەن ۇيدە بولعان انا گاز ءيىسىن كەتىرىپ جەلدەتكەن سوڭ قايتا ۇيىقتاعان. تاڭەرتەڭ ەكى بالاسىن مەكتەپكە جىبەرىپ، ءۇشىنشى بالاسىمەن (2009 -جىلى تۋعان) ۇيدە قالعان ايەل ءوزىن جايسىز سەزىنىپ، جۇرەگى اينىپ، باسى اينالعان»، - دەلىنگەن دەپارتامەنت حابارلاماسىندا.

حابارلامادا ايتىلعانداي، ساعات 12:00-دە جەدەل جاردەم بريگاداسى اناسى مەن بالاسىن اۋرۋحاناعا جەتكىزدى. ءتيىستى تەكسەرىستەن سوڭ دەنساۋلىقتارىنا قاۋىپ بولماعاندىقتان انا مەن بالانى ۇيلەرىنە جىبەردى.

«دارىگەرلەر اناسى مەن بالاسىنىڭ قازىرگى دەنساۋلىعىنا قاتىستى قاناعاتتانارلىق دەگەن باعا بەردى. وقيعا ورىن العان ۇيگە داتچيك اقپان ايىندا جۇرگىزىلگەن ءورت قاۋىپسىزدىگىنە قارسى تۇسىندىرمە جۇمىسى كەزىندە قويىلدى»، - دەپ حابارلايدى توتەنشە جاعداي دەپارتامەنتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى