اقتوبەلىكتەر ساپاربايەۆتى استاناعا قالاي شىعارىپ سالدى

اقتوبە تۇرعىندارى بۇرىنعى ءوڭىر باسشىسىمەن قوشتاسۋ ءۇشىن اۋەجايعا كەلدى. ولار بۇرىنعى اكىممەن قۇشاقتاسىپ، سۋرەتكە ءتۇسىپ، گۇل سىيلادى. كەيبىرەۋلەر قولتاڭباسىن سۇرادى، ال اقساقالدار ونىڭ يىعىنا شاپان جاپتى.

ساپاربايەۆتى ەلورداعا شىعارىپ سالۋ ءۇشىن مەملەكەتتىك قىزمەتكەرلەر، ارداگەرلەر، جاس بەلسەندىلەر، مۇمكىندىگى شەكتەۋلى جاندار ۇيىمىنىڭ وكىلدەرى جانە قاراپايىم تۇرعىندار كەلدى. بەردىبەك ساپاربايەۆتىڭ قۇرمەتىنە اقىندار ونىڭ حالىق الدىنداعى ەڭبەگى، يگى ىستەرى، مۇقتاج جاندارعا كومەگى جايلى اۆتورلىق اندەر ورىندادى.

«مەن اقتوبە وبلىسىندا كوپ ىستەمەدىم، ءبىراق قالا مەن ادامدارىنا ۇيرەنىپ قالعانىمدى مويىنداۋ كەرەك. مەنى شىعارىپ سالۋعا وسىنشا تۇرعىن كەلەدى دەپ كۇتكەن جوقپىن، بارىنشا تىرىستىم. ءبىراق سىزدەردىڭ قولداۋلارىڭىزسىز ەشقانداي ناتيجە بولماس ەدى. بارلىعىنا ۇلكەن راحمەت!»- دەدى بەردىبەك ساپاربايەۆ.

ايتا كەتەيىك، بەردىبەك ساپاربايەۆ ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالدى. پرەمەر- مينيستر اسقار مامين وبلىس اكتيۆىنە ءوڭىردىڭ جاڭا باسشىسى وڭداسىن ورازاليندى تانىستىردى.

دەرەككوز Kaz.tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى