سۋىق تيگىزىپ الساڭىز

ول ءۇشىن باسىم كوپشىلىگىمىز اسپيرين، پاراتسەتامول نەمەسە باسقا دا ءدارى-دارمەك كومەگىنە جۇگىنەمىز. ال ءبىز بۇگىن سىزدەرگە وسىمدىكتەرمەن تەر شىعارۋدىڭ جولىن ۇسىنعىمىز كەلىپ وتىر.

كەپتىرىلگەن تاڭقۋراي جەمىسىنەن تۇنبا جاساپ ءىشىڭىز. جارتى ستاقان جەمىستىڭ ۇستىنە قايناعان سۋ قۇيىپ، 20 مينۋت وتكەن سوڭ ىشۋگە بولادى.

جوكە گۇلىنىڭ تۇنباسى. گۇلدىڭ ءبىر شاي قاسىعىن سۋعا سالىپ قايناتىپ، 30 مينۋتقا قالدىرىڭىز. تۇنبانى كۇنىنە 2-3 رەت نەمەسە ۇيىقتار الدىندا ءبىر رەت تۇتىنىڭىز.

تەر شىعارعىش تۇنبا №1. تاڭقۋراي جەمىسى مەن جوكە اعاشىنىڭ جاپىراعىن قوسىپ، قايناتىڭىز. بولعان سوڭ سالقىنداعانىن كۇتىپ، 3-4 كۇندە جارتى ستاقاننان ءىشىڭىز.

تەر شىعارعىش تۇنبا №2. جوكە گۇلى مەن وگەيشوپ جاپىراعىن ارالاستىرىپ، ءبىر ستاقان سۋ قۇيىپ قايناتىڭىز. 20 مينۋت وتكەن سوڭ جىلى شاي ىشكەندەي ءىشىڭىز.

2 گرامم كامفورانى 100 م ل سپيرتپەن ارالاستىرىپ، وعان 250 م ل سىركە سۋىن قۇيىپ، ۇيىقتار الدىندا وسى قوسپامەن ارقاڭىزدى، كەۋدەڭىزدى ءسۇرتىپ جاتىڭىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى