جاڭا مينيستر كوممۋنالدىق قىزمەتكە قانشا تولەيتىنىن ايتتى

جاڭا تاريفتەرگە قاتىستى پىكىر بىلدىرگەن ول، «كەشە پوشتا جاشىگىنەن تۇبىرتەكتى الدىم. ەلەكتر ەنەرگياسى بويىنشا تاريف 15,32 تەڭگە بولسا، قازىر 13,89 تەڭگە، ياعني تومەندەۋ 10 پايىزدى قۇرادى. بۇل استانا بويىنشا مالىمەت. جىلۋ بەرۋ 3097 تەڭگە بولسا، 2788 تەڭگە دەڭگەيىندە قالىپتاستى. جالپى، 10 پايىزدىق تومەندەۋ بايقالادى. ەگەر دە وسىنداي وزگەرىستەر سەزىلمەسە، وندا تىكەلەي ماعان كەلۋلەرىڭىزدى سۇرار ەدىم. سايكەسىنشە، وسى ماسەلەنى ءوزىمنىڭ باقىلاۋىما الامىن»، - دەدى ۆەدومستۆو باسشىسى ۇكىمەت وتىرىسىنان كەيىن تىلشىلەر ساۋالىنا جاۋاپ بەرە وتىرىپ.

ونىڭ سوزىنە قاراعاندا، مينيسترلىك تاريفتەرگە قاتىستى قالا مەن وبلىستار بويىنشا اقپاراتتى كەڭىنەن جاريالايتىن بولادى. وسى ورايدا ءاربىر ادام مونوپوليست مالىمدەگەن تاريفتى ۇيگە كەلگەن تولەم تۇبىرتەگىمەن سالىستىرا الادى.

«تاريفتەرگە قاتىستى كەمشىلىكتەر بولسا، مىندەتتى تۇردە شاعىمدانۋ كەرەك. بۇل ماسەلەنى جەكە باقىلاۋىما الامىن. تۇرعىندار وزگەرىستەردى سەزىنۋى ءتيىس»، - دەدى رۋسلان دالەنوۆ.

بۇدان بۇرىن حابارلانعانداي، ۇلتتىق ەكونوميكا ءمينيسترى ۆەدومستۆو الدىندا تۇرعان مىندەتتەردى ءمالىم ەتتى.

ايتا كەتەيىك، ر. دالەنوۆ بۇگىن ۇكىمەت وتىرىسىندا تاعايىندالعان جاڭا مينيستر رەتىندە انت بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى