قورعاس شەكاراسىندا قىتايدان زاڭسىز ىشىمدىك الىپ وتپەك بولعان جىگىت ۇستالدى

«قورعاس شەكارالىق باقىلاۋ وتريادىنىڭ جاۋاپكەرشىلىك اۋماعىندا ورنالاسقان حالىقارالىق شەكارا بويى ىنتىماقتاستىعى ورتالىعىندا شەكاراشىلار 25- اقپاندا ورتالىق اۋماعىنان قايتىپ كەلە جاتقان، شەكارالىق تەكسەرۋدى ءوتىپ بولعان 1989-جىلى تۋعان قازاقستاندىقتى ۇستادى. ول ەل اۋماعىنا 140 شولمەك اراقتى (قىتاي ءونىمى) زاڭسىز وتكىزبەك بولعان»، - دەلىنگەن حابارلامادا.

ءدال وسى شەكارا جاساعى «التىنكول» كەدەن بەكەتىنىڭ قىزمەتكەرلەرىمەن بىرلەسە وتىرىپ، ساعات كەشكى 18:00 دەر شاماسىندا 22 جاستاعى قازاقستاندىق ازاماتشانى ۇستادى. ول 1 مىڭنان استام كومپيۋتەردىڭ، 333 دانا سمارتفون ديسپلەيىن زاڭسىز الىپ وتپەك بولعان.

ايتا كەتەرلىگى، دەمالىس كۇندەرى بۇل وتريادتىڭ شەكاراشىلارى ورتالىق اۋماعىنان، يەسىز ەكى توننادان استام حالىق تۇتىناتىن تاۋارلار مەن 1 تسەنتنەرگە جۋىق قىتاي ءدارى-دارمەگىن، 10 كەلىگە جۋىق ۇيالى تەلەفوننىڭ جابدىقتارىن تاۋىپ الىپ، «التىنكول» كەدەن بەكەتىنە تاپسىرعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى