ق ر سىرتقى ىستەر مينيسترلىگى ماسكەۋدە قازا بولعان قازاقستاندىق ستۋدەنتكە قاتىستى اقپاراتتى تەكسەرۋدە

بۇقارالىق اقپارات قۇرالدارىنىڭ مالىمەتىنشە، 23 جاستاعى تاميرلان ماسكەۋ مەملەكەتتىك ۋنيۆەرسيتەتىنىڭ 5-كۋرسىندا، حيميا ماماندىعىندا وقىپ جاتقان. جاتاقحانادا تۇرعان.

«ول ەسىك تۇتقاسىنا اسۋلى كۇيىندە تابىلدى. ستۋدەنتتىڭ موينى گالستۋكپەن ورالعان جانە جەدەل جاردەم جەتكەن كەزدە ەس-ءتۇسسىز كۇيدە بولدى»، - دەلىنگەن Telegram-دا.

كەيىن انىقتالعانداي، تاميرلان م م ۋ- ءدىڭ حيميادان ۇزدىك ستۋدەنتتەرىنىڭ ءبىرى بولعان.

«23 جاستاعى تاميرلان ماسكەۋگە قازاقستاننان وقۋعا كەلگەن. جانە ول مۇندا ەرىككەننەن كەلگەن جوق، ونى اكادەميالىق ورتادا جاقسى بىلەتىن. ءۇش پاننەن رەسپۋبليكالىق وليمپيادالاردىڭ جۇلدەگەرى. ونىمەن قوسا، 2014-جىلى بەلدى حالىقارالىق مەندەلەيەۆ وليمپياداسىنىڭ جۇلدەگەرى بولدى، ارينە حيميادان. بۇدان بولەك، ۇستازدىقپەن اينالىساتىن: مەملەكەتتىك قورىتىندى اتتەستاتسياعا، ءبىرىڭعاي مەملەكەتتىك ەمتيحانعا كەز كەلگەن ءپان بويىنشا دايىندايتىن. فورۋمدار كەزىندە وعان حيميك ستۋدەنتتەر ءجيى كومەككە جۇگىنەتىن. ول تانىمايتىن ادامداردان دا كومەگىن ايامايتىن. سونداي-اق YouTube-تا جەكە ارناسى بولدى. كانال كومپيۋتەرلىك ويىندارعا ەمەس، ساباقتاردان العان ءبىلىمدى بەكىتۋ ءۇشىن حيميالىق زەرتتەۋلەرگە ارنالعان»، - دەلىنگەن Mash-تاعى اقپاراتتا.

ق ر سىرتقى ىستەر مينيسترلىگى وقيعاعا قاتىستى تۇسىنىك بەردى.

«مۇنداي اقپارات بىزگە ءتۇستى. ديپلوماتتارىمىز ونىڭ ازاماتتىعىن انىقتاۋ ۇستىندە»، - دەدى ۆەدومستۆونىڭ باسپا ءسوز حاتشىسى ايبەك سمادياروۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى