يسپانيا كوپ كۇندىگىندە «استانا» ۆەلوشاباندوزى جەڭىسكە جەتتى

بۇل تۋرالى كوماندانىڭ رەسمي سايتىندا حابارلاندى.

«استانا» كومانداسى ءۇشىن اپتا ءساتتى اياقتالدى. «ۆۋەلتا اندالۋسي» جوعارى ساناتتاعى كوپ كۇندىك جارىسىندا ەكى مارتە جەڭىسكە جەتتىك. ياكوب فۋلسانگ قورىتىندى كلاسسيفيكاتسيادا ءبىرىنشى بولدى، ەكىنشى ورىن يون يساگيررەگە بۇيىردى. سونداي-اق پەلو بيلباو جالپى سىناقتا 4-كەلدى. ال «استانا» جارىستىڭ جالپى كوماندالىق كلاسسيفيكاتسياسىندا جەڭىس تۇعىرىنان كورىندى»، - دەپ جازىلعان سايتتا.

«جەڭىسكە جەتكەنىم ءۇشىن وتە قۋانىشتىمىن. جالپى سىناقتا 6-مارتە جەڭىس سىيلاعانىما قۋانىشتىمىن. جىلدى جاقسى دايارلىقپەن باستادىم جانە وسى اپتا بويى ءوزىمدى كەرەمەت سەزىندىم. دەگەنمەن، بۇل، كوماندالىق جەتىستىك، كوماندانىڭ جەڭىسى ەكەنىن ايتقىم كەلەدى»، - دەدى ياكوب فۋلسانگ.

«ۆۋەلتا اندالۋسيي 2019» سوڭعى - بەسىنشى كەزەڭمەن اياقتالدى. ونىڭ ۇزاقتىعى 163,9 شاقىرىمدى قۇرادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى