جاپونيانىڭ پرەمەر- ءمينيسترى ترامپتى نوبەل سىيلىعىنا ۇسىنعان

  بۇل اقپاراتتى جەكسەنبى كۇنى جاپوندىق Asahi باسىلىمى حابارلادى. بۇعان دەيىن ترامپ تا جاپون پرەمەر- ءمينيسترىنىڭ ءوزىن نوبەل سىيلىعىنا ۇسىنعانىن ايتقان ەدى.

ترامپىڭ ايتۋىنشا، ابە ونى پحەنياندى يادرولىق قارۋدان باس تارتۋعا كوندىرۋ جانە سولتۇستىك كورەيامەن ديالوگ ورناتۋعا كۇش سالعانى ءۇشىن سىيلىققا ۇسىنعان. ترامپ ءابەنىڭ نوبەل كوميتەتىنە جازعان حاتىنىڭ كوشىرمەسى دە بارىن جەتكىزگەن ەدى.

ال باسىلىمنىڭ جازۋىنشا، ابەگە سىيلىققا ۇسىنۋ تۋرالى ءوتىنىشتى ا ق ش پرەزيدەنتىنىڭ سولتۇستىك كورەيا باسشىسىمەن كەزدەسۋىنەن (ماۋسىم ايى، 2018 -جىل) ا ق ش رەسمي وكىلدەرى جاساعان. جاپونيانىڭ سىرتقى ىستەر مينيسترلىگى بۇل اقپاراتقا قاتىستى جاۋاپ بەرمەگەن. اق ءۇي دە ازىرگە تۇسىنىكتەمە بەرمەگەن.

نوبەل كوميتەتىنىڭ ەرەجەسى بويىنشا، مەملەكەت باسشىلارىنىڭ كانديداتتاردى ۇسىنۋىنا قۇقىعى بار. ءبىراق سىيلىققا ناقتى كىمدەردىڭ ۇسىنىلعانى جانە كىم ۇسىنعانى جايلى اقپارات سىيلىق تاپسىرىلعاننان كەيىن ەلۋ جىلدان سوڭ عانا جاريالانادى.

وتكەن جىلى بەيبىتشىلىك سالاسىنداعى نوبەل سىيلىعىنا كونگولىق دەنيس مۋكۆە جانە يراكتىق قۇقىق قورعاۋشى ناديا مۋراد يە بولعان. دەنيس مۋكۆە كونگودا 1998-2002 -جىلدارى بولعان قارۋلى قاقتىعىس كەزىندە جىنىستىق زورلىق- زومبىلىقتان زارداپ شەككەن ايەلدەردى ەمدەۋمەن اينالىسقان. ال ناديا مۋراد «يسلام مەملەكەتى» تەرروريستىك توبىنىڭ يراك ايەلدەرىنە جاساپ جاتقان قىسىمى ماسەلەسىن ءجيى كوتەرگەن بەلسەندى. ول ءوزى دە سول توپتا تۇتقىندا بولعان.

وسىعان دەيىن ا ق ش- تىڭ ءتورت پرەزيدەنتى - تەودور رۋزۆەلت، ۆۋدرو ۆيلسون، دجيممي كارتەر جانە باراك وباما بەيبىتشىلىك سالاسىنداعى نوبەل سىيلىعىن يەلەنگەن.

www.azattyq.org

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى