عارىش اپپاراتى باۋلى نايزا كومەگىمەن عارىشتى قوقىستان تازارتپاق

ولار كوبىنەسە زىمىران قالدىقتارى مەن وزگە دە فراگمەنتتەر. عالىمدار ەندى ولاردى جيناۋدىڭ تۇك قيىندىعى جوق ەكەنىن ايتادى. ول ءۇشىن تەك باۋلى نايزا بولسا جەتكىلىكتى. كوماندا بۇعان دەيىن دە ءتۇرلى تاپسىرمالاردى ورىنداعان بولاتىن.

اعىلشىن ينجەنەرلەرىنىڭ ايتۋىنشا، ول ءۇشىن تەك تەڭىز جانۋارلارىن اۋلاۋعا ارنالعان باۋلى نايزا، ارقان جانە تور سياقتى قۇرالدار بولسا جەتكىلىكتى. عارىشكەرلەر ولارمەن مەرزىمى ءوتىپ، اشىق كەڭىستىكتە قالقىپ جۇرگەن قۇرىلعىلاردى جيناي الادى. ءتىپتى ستيۆەنيدج قالاسىنداعى زەرتحانانىڭ بىرىندە قۇراستىرىلعان باۋلى نايزا قازىر قولدانىسقا ەنگەن. ۇزىندىعى 1 جارىم مەترلىك قۇرال سالماعى 8 تونناعا جەتەتىن نىساندى وپ- وڭاي ۇستايدى.  مىسالى، كولەمى ەكىقاباتتى اۆتوبۋسقا پارا- پار Envisat جەرسەرىگىن سۇيرەي الادى.

پيتەر سيتيل، Airbas Space عارىش جۇيەسىنىڭ ينجەنەرى:

 - قازىر Envisat جەرسەرىگىن وزگە قوندىرعىلارعا كەدەرگى كەلتىرمەس ءۇشىن جولدان الىپ تاستاي المايمىز. ويتكەنى ول ىستەن شىققاندىقتان باسقارىلمايدى. ءبىراق بۇل بەلگىلى ءبىر ۋاقىتى بار بومبا سەكىلدى. سەبەبى وعان باسقا ءبىر قوقىس كەلىپ تيسە، ول جارىلادى.

 ال عالىمداردىڭ ايتۋىنشا، عارىشتىڭ جەرگە جاقىن تۇسىندا جەرسەرىگىنەن باستاپ بۇرانداعا دەيىن مىڭداعان توننا قوقىس بار. ماماندار ولاردىڭ كوبىن وسى باۋلى نايزامەن تۇيرەپ، ودان ارى ارقانمەن تارتىپ الۋعا بولادى دەپ وتىر.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى