تولقىن زابيروۆا: ديماش قۇدايبەرگەن اللانىڭ بەرگەن سىيى
ونەر يەسى ديماشتاي شاكىرت تاربيەلەۋ ءۇشىن ۇستازداردىڭ دا ءبىلىمدى بولۋى كەرەكتىگىن العا تارتتى.
«ديماش - اللانىڭ بەرگەن سىيى. ءبىز ديماش سەكىلدى جاستاردى تاربيەلەۋىمىز قاجەت. ول ءۇشىن تاربيە، ءبىلىم بەرەتىن ۇستازداردىڭ ءوزى ءبىلىمدى بولۋى كەرەك.
بارلىعى مادەنيەت پەن ونەرگە كەلىپ تىرەلەدى. قازاقستاندى باسقا ەل مادەنيەت پەن سپورت ارقىلى تانيدى. مۇنى ەلباسى دا ءار سوزىندە ايتىپ ءجۇر.
باسقا ەل بەكزات ساتتارحانوۆ، سەرىك ساپيەۆ، ديماش قۇدايبەرگەن، روزا رىمبايەۆا ارقىلى قازاقستاندى تانيدى. سوندىقتان جاستارىمىز ۇلت پەن ۇلىسقا بولىنبەي، ءبىر جەڭنەن قول، ءبىر جاعادان باس شىعارىپ، وزدەرىن جەتىلدىرىپ، بىلىمدەرىن تولىقتىرىپ، جاڭا دۇنيەلەرگە ۇمتىلۋى كەرەك»، - دەدى تولقىن زابيروۆا.
