استانادا «ايكا» فيلمىنىڭ تۇساۋكەسەرى وتەدى

بۇل تۋرالى قازاقپارات ق ر مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

ايتا كەتسەك، فيلم قازاقستان رەسپۋبليكاسى اتىنان امەريكاندىق كينواكادەمياسىنىڭ «وسكار» سىيلىعىنا ۇسىنىلعان بولاتىن.

فيلمدە باستى ءرولدى حالىقارالىق كانن-2018 كينوفەستيۆالىندە «ۇزدىك ايەل ءرولى ءۇشىن» جۇلدەسىنە يە بولعان قازاقستاندىق اكتريسا سامال ەسلياموۆا سومدايدى. فيلم ساعات 18.30 ۋاقىتىندا كورسەتىلەدى.

سامال ەسلياموۆانىڭ وسى تۋىندىنىڭ ارقاسىندا كانن فەستيۆالىنىڭ جەڭىمپازى اتانعانى بەلگىلى. اكتريسانىڭ ايتۋىنشا، فيلمنىڭ ەڭ سوڭعى ەپيزودى ونى قاتتى تەبىرەنتكەن.

«مەن - قازاق قىزىمىن. ءوزىم دە اشىق- شاشىق كينولاردى جاقتىرمايمىن. سەبەبى ءبىزدىڭ بويىمىزدا ار- ۇيات دەگەن سەزىم بار. ەندى، كينودا كەيىپكەردىڭ وبرازىن شىنايى ويناعاندا كەرەك كادرلار بولادى. ونى دا ءتۇسىنۋ كەرەك. دەگەنمەن، شەكتەن شىقپاۋ قاجەت. ءارتىس وسىنى جاقسى ءتۇسىنۋى كەرەك دەپ ويلايمىن. بۇل فيلمدە ونداي كادرلار جوق. سوندىقتان «ايكا» ءۇشىن ۇيالمايسىزدار» ، - دەگەن ەدى بىلتىر سامال ەسلياموۆا جۋرناليستەرگە بەرگەن سۇحباتىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى