ۇكىمەتتىك جۇمىس توبى كوپبالالى وتباسىلاردىڭ باسپانا ماسەلەسىن قاراستىرۋدا
بۇل تۋرالى بۇگىن ۇكىمەت ۇيىندە وتكەن باسپا ءسوز ءماسليحاتىندا ق ر قارجى ءمينيسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى.
«بۇل ماسەلە بويىنشا ارناي جۇمىس توبى قۇرىلدى جانە وسى جۇمىس توبىنىڭ اياسىندا كوپبالالى وتباسىلاردى باسپانامەن قامتاماسىز ەتۋ ماسەلەسىن جەكە قاراستىرىپ جاتىرمىز. قىسقا مەرزىمدە ءتيىستى ۇسىنىستار ءبىزدىڭ تاراپىمىزدان بەرىلەتىن بولادى. كوپبالالى وتباسىلاردىڭ جاعدايلارى ناشار ەكەندىگىن تۇسىنەمىز. سوندىقتان ولارعا كومەك قولجەتىمدى بولۋى كەرەك» ، - دەدى ءا. سمايىلوۆ ب ا ق وكىلدەرىنىڭ ساۋالىنا وراي.
سونىمەن قاتار ول كوپبالالى وتباسىلارعا مەملەكەت تاراپىنان بەرىلەتىن جاردەماقىنىڭ جەتكىلىسىز ەكەندىگىن اشىق ايتتى.
«سول سەبەپتى جىل سايىن وزگەرىستەر ەنگىزىلىپ وتىرادى. جالپى، الەۋمەتتىك سالاعا بولىنەتىن قاراجات جىل سايىن ارتىپ كەلەدى. مەملەكەتتىك بيۋدجەتتى الەۋمەتتىك بيۋدجەت دەپ ايتۋعا بولادى. سوڭعى 2 جىلدا الەۋمەتتىك سالاعا بولىنگەن قاراجاتتىڭ ۇلەسى 34 تەن 44 پايىزعا ءوستى جانە وسى ءۇش جىلدىڭ ىشىندە، ياعني 2021 -جىلعا دەيىن الەۋمەتتىك سالاعا بولىنەتىن قاراجات 49,1 پايىزعا دەيىن ارتادى» ، - دەدى مينيستر.
ەسكە سالايىق، 6 - اقپان كۇنى مەملەكەت باسشىسىنىڭ تاپسىرماسىمەن ق ر ۇكىمەتىنىڭ جانىنان ەلىمىز ازاماتتارىنىڭ تابىسىن ارتتىرۋ، تۇرمىس ساپاسىن جاقسارتۋ، سونداي- اق كوپبالالى وتباسىلارعا قولداۋ شارالارىن كۇشەيتۋ جونىندەگى جۇمىس توبى قۇرىلدى.
