استانالىق اتا-انالاردى قانداي ماسەلەلەر تولعاندىرادى؟
قوعامدىق قابىلداۋ م. وتەمىس ۇلى اتىنداعى وقۋشىلار سارايىندا ءوتتى. وندا اتا-انالاردى ءبىلىم باسقارماسىنىڭ باسشىسى ءانۋار جانعوزين جانە ورىنباسارلارى مەن بارلىق ءبولىم باسشىلارى قابىلدادى.
اتا-انالار وزدەرىن تولعاندىرعان سۇراقتار بويىنشا كەڭەس الدى. ەڭ كوپ سۇراق قوسىمشا ءبىلىم بەرۋ ءبولىمىنىڭ ماماندارىنا قويىلدى. سونداي-اق، اتا-انالاردى كامەلەتكە تولماعانداردى الەۋمەتتەندىرۋ، مەكتەپكە دەيىنگى تاربيە مەن وقىتۋ ماسەلەلەرى قىزىقتىردى.
«اشىق ەسىك كۇنى» فورماتىنداعى كەزدەسۋلەر وتكەن جىلى باستالعان بولاتىن. شارا ماقساتى - ەلوردالىق ءبىلىم بەرۋ جۇيەسىن جەتىلدىرۋگە ىقپال ەتەتىن وزەكتى سۇراقتار مەن ماسەلەلەردى شەشۋ ارقىلى باسقارما مەن قوعام اراسىندا «سىندارلى ديالوگ» قۇرىپ، ءوزارا بايلانىس ورناتۋ جانە وزەكتى سۇراقتارعا جاۋاپ بەرۋ. «كەزدەسۋگە كەلە الماعاندار ءوز سۇراقتارىن الەۋمەتتىك جەلىلەر ارقىلى جولدادى»، - دەدى ءبىلىم باسقارماسىنىڭ ستراتەگيا جانە ساندىق تەحنولوگيالاردى تالداۋ ءبولىمىنىڭ باسشىسى جازيرا اسانوۆا.
ودان بولەك، مەكتەپكە قابىلدانۋ ءۇشىن قانداي قۇجاتتار كەرەكتىگى، جول ءجۇرۋ جەڭىلدىگى، كوپبالالى وتباسىلارعا قانداي جەڭىلدىكتەر قاراستىرىلعانى جايلى قوسىمشا اقپاراتتار جازىلعان پاراقشالار تاراتىلدى.
وسى جەردە قوسىمشا اقپارات الۋ ءۇشىن ءبىلىم باسقارماسى ماماندارىنىڭ تەلەفوندارى دا كورسەتىلگەن.
