فەدەراتسيا كۋبوگى: قازاقستان - قىتاي ماتچىندا ەسەپ تەڭەستى

دۇنيەجۇزىلىك رەيتينگتە 40-ساتىدا تۇرعان چجان شۋاي بيىل وتىزعا تولسا، يۋليا پۋتينتسيەۆا 24 تە. ەكەۋىنىڭ تاجىريبەسى جەتەرلىك، تالايدى كورگەن تەننيسشىلەر. ءبىرىنشى پارتيانى قازاقستاندىق تەننيسشى بىردەن برەيكپەن باستاپ، ءوز گەيمىن دە الدى -  2:0.

بۇدان كەيىن قىتايلىق سپورتشى برەيك جاساپ، تارازى باسىن تەڭەستىردى -  2:2. يۋ. پۋتينتسيەۆا كوڭىل-كۇي اۋانىنا بەرىلىپ، قاتەلىككە بوي الدىردى. ءتورت گەيمدى قاتارىنان ۇتقان چ. شۋاي ەسەپتى 4:2 گە جەتكىزدى.

تەك سودان سوڭ عانا يۋليا ەسەپتى قىسقارتقانىمەن، ءوزى دوپ بەرگەندە، ەسە جىبەرىپ قويدى -  3:5.

ءسويتىپ بۇل سەتتە قىتايلىق سپورتشى 6:3 ەسەبىمەن جەڭىسكە جەتتى. ەكىنشى پارتيانى پۋتينتسيەۆا برەيكپەن باستاپ، 3:0 ەسەبىمەن العا كەتتى.

ەسەپ 1:4 بولعاندا، شۋاي برەيك جاساعانىمەن، بۇل سەتتى پۋتينتسيەۆا جىبەرمەدى - 6:3. ءۇشىنشى، شەشۋشى سەتتە برەيكپەن شۋاي العا كەتتى - 2:0.

دەگەنمەن قازاقستاندىق تەننيسشى قايىرا برەيك جاساپ، سوسىن ەسەپتى تەڭەستىردى - 2:2. جەتىنشى گەيمدە يۋليا برەيك جاساپ، العا شىقتى - 4:3.

قىتايلىق تا قالىسپادى - 4:4. اقىرى ول 6:4 ەسەبىمەن جەڭىسكە جەتتى.

وسىلايشا قازاقستان - قىتاي ماتچىندا ەسەپ تەڭەستى - 1:1. ەندى بار ماسەلە جۇپتىق كەزدەسۋدە شەشىلەدى.

ەسكە سالا كەتەيىك، استانادا ءوتىپ جاتقان فەدەراتسيا كۋبوگى ءۇشىن ىرىكتەۋ كەزەڭىندە قازاقستان -  ءۇندىستان ماتچىن زارينا دياس جەڭىسپەن باستاپ، يۋليا پۋتينتسيەۆا جالعاستىردى.

سونداي-اق گالينا ۆوسكوبويەۆا مەن اننا دانيلينا جۇپتىق كەزدەسۋدە ۇتتى، ال ەرلەر اراسىندا الەكساندر بۋبليك بۋداپەشت ءتۋرنيرىنىڭ جارتىلاي فينالىنا شىقتى. زارينا دياس قارسىلاسىن تىزە بۇكتىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى