قازاقستاندىق وقۋشىلار بايقاۋعا قاتىسۋ ارقىلى گرانت ۇتىپ الا الادى

«قازاقستاندا العاش رەت مەكتەپ وقۋشىلارىنا ارنالعان رەسپۋبليكالىق «Test: ەڭ ۇزدىك ناتيجە» سايىسى باستالدى. مەكتەپتىڭ 9، 10، 11-سىنىپ وقۋشىلارىنا بىرەگەي مۇمكىندىك بەرەتىن بايقاۋدى Bilim Media Group كومپانياسى ۇيىمداستىرۋدا. باستى ماقسات - «سيفرلىق قازاقستان» باعدارلاماسى اياسىندا وقۋشىلاردىڭ ءبىلىم دەڭگەيىن كوتەرۋگە سەپتىگىن تيگىزۋ، ۇ ب ت- عا پايدالى رەسۋرس ارقىلى دايىندالىپ، ءساتتى تاپسىرۋعا ىنتالاندىرۋ»، - دەلىنگەن ءبىلىم جانە عىلىم مينيسترلىگى مالىمەتىندە.

بەلگىلى بولعانداي، اتالعان بايقاۋعا قازاقستان ازاماتى بولىپ تىركەلگەن 9، 10، 11-سىنىپ وقۋشىلارى جانە ورتا ءبىلىم بەرەتىن ارنايى مەكەمەلەردىڭ 1-كۋرس ستۋدەنتتەرى قاتىسا الادى.

«قاتىسۋشىلار ءۇشىن ارنايى سىي قاراستىرىلعان، ياعني ۇزدىك جوعارعى ۋنيۆەرسيتەتتەردىڭ بىرىنەن وقۋ گرانتى (تەك 11- سىنىپ وقۋشىلارىنا قاتىستى) بەرىلمەك. ودان بولەك، قاتىسۋشىلارعا ارنالعان ءتۇرلى باعالى سىيلىقتار دا ويناتىلادى»، - دەلىنگەن تاراتىلعان حابارلامادا.

بايقاۋ ونلاين فورماتتا itest.kz پلاتفورماسىندا وتەدى. «Test: ەڭ ۇزدىك ناتيجە» سايىسى 2019-جىلدىڭ 1- اقپانىنان وسى جىلدىڭ 20- ماۋسىمىنا دەيىن جالعاسادى. جەڭىمپازدار مەن سايىس ناتيجەلەرىن جاريالاۋ سالتاناتى 2019-جىلدىڭ 21- ماۋسىمىندا وتەدى. تولىق مالىمەتتى جانە جوبانىڭ ەرەجەلەرى بويىنشا اقپاراتتى itest.kz سايتىنان كورە الاسىزدار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى