ۇرلانعان تەلەفونداردى شەتەل اسىرىپ وتىرعان قىلمىستىق توپ ۇستالدى
ارنايى وپەراتسيا ەكى جاقتا جاسالدى. پوليتسيا «الماتى- بىشكەك» تاس جولىنىڭ 62-شاقىرىمىندا، قالادان شىعا بەرىستە «Mersedes S500» كولىگىن توقتاتقان. 32 جاستاعى قىرعىزستان ازاماتىن ءتىنتۋ كەزىندە پوليەتيلەن پاكەتكە سالىنعان 38 موبيلدى تەلەفون تابىلدى.
«مامىلە «الماتى-بىشكەك» تاس جولىندا بولعان.
«مەگاتاۋ» ساۋدا ورنىندا ساتۋشى بولىپ جۇمىس ىستەيتىن 24 جاستاعى بويجەتكەن تەلەفونداردى «ارىپتەسىنە» بىرنەشە مينۋت بۇرىن تابىستاعان بولىپ شىقتى. ايەلدىڭ ءوزى الماتىدا ۇيىنە قايتىپ كەلە جاتقاندا ۇستالدى. بارلىق تەلەفون بۇرىن قولدانىستا بولعان گادجەتتەر. ولاردىڭ بارىندە قوراپ بولماعان. قۇجاتتارى جوق. ول بۇل تەلەفونداردى كوك بازارداعى ساتۋشى ايەلدەن 4 مىڭ ا ق ش دوللارىنا ساتىپ العانىن ايتقان. ۇستالعان جىگىت تەلەفونداردى بىشكەكتە ساتىپ جىبەرگىسى كەلگەن. ۇستالعان كەزدە كەلىنشەك تە ءوزىنىڭ ەسكى تەلەفونداردى ساتقانىن مويىندادى»، - دەدى قالالىق پ د باسقارما باسشىسى ەسەن ىسقاقوۆ.
پوليتسيانىڭ پايىمداۋىنشا، قىلمىستىق سينديكاتتىڭ سحەماسى قاراپايىم بولعان.
«ايەل ۇرلانعان تەلەفونداردى ساتىپ الىپ وتىرعان. سوسىن بۇل گادجەتتەر جوعارى باعادا قىرعىزستانعا ساتىلىپ وتىرعان»، - دەدى ول.
قازىر اتالعان دەرەككە بايلانىستى ق ر ق ك 196-بابى بويىنشا سوتقا دەيىنگى تەرگەۋ جۇمىستارى ءجۇرىپ جاتىر.
24 جاستاعى ايەلدىڭ ۇرلانعان تەلەفونداردى كىمنەن ساتىپ الىپ وتىرعانى دا انىقتالدى. الداعى ۋاقىتتا عيمارات ىشىندە ۇرلانعان زاتتىڭ ساتىلۋىنا رۇقسات بەرگەن ساۋدا ءۇيىنىڭ ادمينيستراتورىنىڭ ارەكەتىنە قۇقىقتىق باعا بەرىلەتىن بولادى.
«سونىمەن قاتار، ۇرلانعان زاتتاردىڭ شىنايى يەلەرى ىزدەستىرىلىپ جاتىر. بۇل زاتتاردىڭ ىشىنەن ەكى زاتتىڭ يەسى تابىلدى. ولاردىڭ ءبىرى - بالالى ايەل بولسا، ەكىنشىسى ج و و ستۋدەنتى ءوز زاتىن تانىدى»، - دەدى پوليتسيانىڭ باسپا ءسوز قىزمەتىنەن.
