نيۋ- يوركتە تۇراتىن ءۇندىس قازاقتىڭ ءتىلى مەن تاريحىنا قىزىعىپ ءجۇر
قازاق ءتىلى، تاريحى مەن مادەنيەتىن زەرتتەپ جۇرگەن كورىنەدى. ءىرى حالىقارالىق فورۋمدار مەن جاھاندىق ىستەرگە بەلسەندى قاتىسۋدىڭ ارقاسىندا قازاقستان بۇكىل الەمگە تانىمال بولدى. ۇلتتىق رامىزدەرىمىزدى الەمنىڭ ءاربىر تۇكپىرىندە كەزدەستىرۋگە بولادى. ماسەلەن نيۋ- يوركتەگى مانحەتتەندە تىلشىمىزگە كيىمىنە بايراعىمىزدى تاققان جىگىت كەزدەستى. ەسىمى راحساان ۋولف ەكەن، ءبىراق قازاقشاعا اۋدارىپ ءوزىن راحساان قاسقىر دەپ اتاعان ەكەن.
راحساان ۋولف، نيۋ- يورك تۇرعىنى:
- مەن امەريكانىڭ بايىرعى تۇرعىنىمىن، چەروكي تايپاسىنىڭ كوشپەندىسىمىن. ەگەر قازاقستان كوشپەندىلەرىنىڭ مادەنيەتىمەن تانىس بولساڭىز، سولتۇستىك امەريكادا بايىرعى حالىقتار تۇراتىنىن بىلۋلەرىڭ كەرەك. قازاقتارمەن جاقىنداستىراتىن ارامىزدا ورتاق بەلگىلەر بار. ءوزىم ازيا مادەنيەتىنە جاقىن ءوستىم، وڭتۇستىك- شىعىس پەن ورتالىق ازيا تاريحىن زەرتەگەنمىن. اقىرى قازاقتارعا شىعىپ، مادەنيەتىڭىز بەن ءتىلىڭىزدى مەڭگەرىپ ءجۇرمىن. قازاقتار كوشپەلى حالىق ەكەنىن ءبىلدىم.
راحسااننىڭ ايتۋىنشا، امەريكانىڭ بايىرعى تۇرعىندارى ەۋرازيا دالاسىنان شىققان. تۇپكى تامىرىمىز ءبىر دەپ، قازاقتاردى باۋىر سانايدى. تۇرمىس- سالتى مەن كوشپەلى مادەنيەتى عانا ەمەس، گەنەتيكا جاعىنان دا جاقىنبىز دەيدى ول.
راحساان ۋولف، نيۋ- يورك تۇرعىنى:
- ءبىز ءبىر- بىرىمىزبەن تىعىز بايلانىستىمىز: باقسىلىق، مادەنيەت، بۇركىت، جىلقى، داۋىلپازدار سەكىلدى سولتۇستىك امەريكانىڭ كوشپەندىلەرىمەن ورتاق راسىمدەرىڭىز كوپ. ورتالىق ازيانىڭ كوشپەلى تايپالارى قازىرگى رەسەي مەن الياسكا جەرلەرىن اسىپ ءوتىپ، سولتۇستىك امەريكادا جانە ءارى قاراي قونىستانعانى بەلگىلى. قازاق مادەنيەتىمەن تانىستىعىم مەن ءۇشىن رۋھاني ساپارمەن ىسپەتتەس بولدى. راحساان بۇگىندە YouTube جەلىسىندە ءوز ارناسىن اشقان. وندا كورەرمەندەردى قازاقستاننىڭ تاريحىمەن تانىستىرىپ ءجۇر.
راحساان ۋولف، نيۋ- يورك تۇرعىنى:
- قازاقشا وقي بىلەمىن، ءبىراق سوزدىك قورىمدى كەڭەيتۋ كەرەك. ارينە امانداسا الامىن: سالەم، سالەمەتسىزبە، قالىن قالاي دەگەن سياقتى. مىناۋ مەنىڭ العاشقى كىتابىم - الىپپە. ول بويىنشا سوزدەردىڭ ايتىلۋى مەن گرامماتيكانى مەڭگەرىپ ءجۇرمىن. مىناۋ دا وتە جاقسى وقۋلىق. وندا سوزدەردىڭ اۋدارماسى مەن ماعىناسى ءجىتى تۇسىندىرىلەدى. راحسااننىڭ ورتاق تاريحى مەن مادەني داستۇرلەر ارقىلى حالىقتارىمىزدى جاقىنداستىراتىن ويى بار. ول ءوزارا بايلانىستار - بولاشاق ۇرپاقتارىمىزدىڭ ارالاسىپ تۇرۋىنا سەپتىگىن تيگىزەتىنىنە سەنىمدى.
www.24.kz
