استاناداعى توزىعى جەتكەن ۇيلەر ماسەلەسى قالاي شەشىلەدى؟

قازىرگى ۋاقىتتا بارلىق وزەكتى ماسەلەلەردى انىقتاۋ ءۇشىن اكىمدىك قالا ماڭىنداعى ەلدىمەكەندەردىڭ ءتىزىمىن الۋدا.

«بۇل ماسەلەگە ءبىرجاقتى قاراۋعا بولمايدى. تولىققاندى كەشەندى شەشىم قاراستىرىلىپ جاتىر. ونىڭ ىشىندە نۇرلى جەر ارقىلى جۇزەگە اسىرىپ جاتقان باعدارلامالاردى توعىستىرۋعا قارجى ءبولىندى. توزىعى جەتكەن ۇيلەردى بۇزۋ باعدارلاماسى جاسالۋدا، الدانعان ۇلەسكەرلەردىڭ ماسەلەسىن شەشۋگە قاراجات ءبولىندى. قالا شەتىندەگى ماسەلەلەردى شەشۋ ءۇشىن بارلىق رەسۋرستاردى بىرىكتىرىپ، «نۇرلى جەر» بويىنشا باسپانا سالۋ باعدارلاماسىنا قوسۋدى كوزدەپ وتىرمىز. بۇل باعىتتا ناتيجەگە جەتۋ ءۇشىن الەۋمەتتىك كومەك پەن تولەم قابىلەتىن زەرتتەۋ قاجەت. سوندىقتان، ۇكىمەتتە قۇرىلعان جۇمىس توبى اياسىندا بۇل ۇسىنىس قاراستىرىلادى. ءبىز دە اپاتقا قاتىستى ارنايى كوميسسيا قۇردىق»، - دەپ جاۋاپ بەردى اكىم مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىندە جۋرناليستەرگە.

ەسكە سالا كەتەيىك، 4- اقپان كۇنى تۇندە ەلوردانىڭ سارىارقا اۋدانىنداعى «كوكتال-1» تۇرعىن ءۇي الابىندا جەكە ءۇيدىڭ اۋلاسىندا تۇرعىزىلعان ۋاقىتشا باسپانادا ءورت شىقتى. ءورتتى ءسوندىرۋ بارىسىندا 2006، 2008، 2014، 2016، 2018-جىلعى 5 قىز بالانىڭ دەنەسى تابىلدى.

ولاردىڭ كىشىسى نەبارى 11 ايلىق ءسابي ەدى. ءورت كەزىندە بەس بالانىڭ اتا-اناسى تۇنگى جۇمىستا بولعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى