ۋكراينادا باسپانا ماسەلەسىنە قاتىستى ەرەكشە شارا ءوتتى
قاراپايىم ينستاللياتسيا جاستاردىڭ بۇگىنگى ەڭ نەگىزگى ماسەلەسى - تۇرعىن ءۇي تاقىرىبىن كوتەرەدى. وسى شارا ارقىلى ۋكرايندىق جاستار نە ايتقىسى كەلدى؟ الەكساندر ۆوروبيەۆ كيەۆتەگى ەكونوميكا جانە قۇقىق ۋنيۆەرسيتەتىنىڭ ءۇشىنشى كۋرس ستۋدەنتى. ول «وزىڭە ءوزىڭ كومەكتەس» دەپ اتالاتىن ساياسي پارتيا جانىنداعى كيەۆتەگى جاستار قاناتىنا جەتەكشىلىك ەتەدى. بۇگىن الەكساندر «مەنىڭ ءۇيىم» دەپ اتالعان ينستاللياتسيانى قوعامنىڭ ونىڭ ىشىندە ۋكراينالىق جاستاردىڭ نازارىنا ۇسىندى. ءىس-شارا جاستار مەن جاس وتباسىلاردى باسپانامەن قامتۋ سياقتى وزەكتى ماسەلەنى كوتەرەدى.
الەكساندر ۆوروبيەۆ، «مەنىڭ ءۇيىم» اكسياسىن ۇيىمداستىرۋشى:
- ۋكراينا جاستارى قوراپتان جاسالعان ءۇيدى عانا ساتىپ الا الادى. ءبىز ۇيىمداستىرعان اكسيا وسى ماسەلەنى اشىق جانە مىسقىلمەن جەتكىزدى. يپوتەكاعا بەرىلەتىن باسپانانىڭ جىلدىڭ مولشەرى 14 پايىزدان باستالادى. مۇنداي كرەديت ۋكراينا جاستارى ءۇشىن قولجەتىمسىز.
قالانىڭ باستى كوشەسىنە قويىلعان قاراپايىپ قوراپتارعا QR كود جاپسىرىلعان. كود ارقىلى تەلەفونى بار كەز كەلگەن ادام باسپاناعا قاتىستى بەينەجازبانى كورە الادى. ۆيدەودان ءسىز جاستارعا نەسيە بەرەتىن مەملەكەتتىك قورىنىڭ قىزمەتىمەن تانىسا الاسىز. اتاپ ءوتۋ كەرەك، مەملەكەتتىك قور ارقىلى ۋكراينا جاستارى تۇرعىن ءۇي نەسيەسىن ءتيىمدى مولشەرلەمە ارقىلى راسىمدەي الادى، الايدا جاستاردىڭ ايتۋىنشا، مۇنداي مۇمكىندىككە كوپتىڭ قولى جەتە بەرمەيدى. الەكساندر ۆوروبيەۆ، «مەنىڭ ءۇيىم» اكسياسىن ۇيىمداستىرۋشى:
- ۋكراينادا جاستارعا ءتيىمدى مولشەرمەن ءۇي الۋعا نەسيە بەرەتىن مەملەكەتتىك قور بار. مۇنداي نەسيەنىڭ جىلدىق مولشەرلەمە پايىزى 3 پايىز، بالاسى بار جاس وتباسى بولسا نەسيە مۇلدەم پايىزسىز بەرىلەدى. الايدا مەملەكەتتىك قور تۇرعىن ۇيگە مۇقتاج جانداردىڭ ءبىر پايىزىن جابۋ ءۇشىن دە جەتكىلىكتى قاراجاتى جوق.
گريگوري دانيلوۆ، «مەنىڭ ءۇيىم» اكسياسىنا قاتىسۋشى:
- «مەنىڭ ءۇيىم» دەپ اتالعان اكسيانىڭ مازمۇنى ماعان ۇنادى. قوعام وزگەرگەندە دە عانا ساياسات وزگەرەدى. سوندىقتان جاستار پروبلەماسىن بۇكپەسىز اشىق ايتقانىن قۇپتايمىن.
الەكساندر جوعارعى رادا مەن قوعامنىڭ نازارىن اۋداراتىن شارالاردى الداعى ۋاقىتتا بەلسەندى وتكىزىپ تۇراۋدى جوسپارلاپ وتىر. تۇرعىن ءۇي ماسەلەسىمەن قاتار جەمقورلىق جانە جاسىل ەكونوميكاعا كوشۋدى قاراستىراتىن زاڭ جوباسىن قابىلداۋدى دەپۋتاتتاردان تالاپ ەتەمىز دەيدى ول. ۋكرايناداعى ءبىرقاتار قوعامدىق قوردىڭ تالابى بويىنشا جوعارعى رادا جەلتوقسان ايىندا پلاستيكالىق بوتەلكەلەردى ءوندىرۋ ءۇشىن شيكىزات يمپورتىنا باج سالىعىن مۇلدەم الىپ تاستادى.
www.24.kz
