ديماش ا ق ش- تىڭ قازىلار القاسىن ورىندارىنان تىك تۇرعىزدى
ديماش قۇدايبەرگەن ۇزدىك انشىلەر شوۋىندا ايگىلى فرانسۋز ءانىن شىرقادى. S. O. S d'un terrien en détresse تۋىندىسىن ديماش قىتايداعى جوبانىڭ العاشقى كەزەڭىندە دە ورىنداعان بولاتىن.
«سىزدەر ءالى ديماشتىڭ فاناتى بولماساڭىزدار، ەندى بولاسىزدار»، - دەلىنگەن ارنانىڭ Facebook تەگى پاراقشاسىندا.
ەسىمى الەمگە تانىلعان جەرلەسىمىزدى امەريكالىقتار «داۋسى التى وكتاۆالىق ادام» دەپ تانىستىردى. ال جەلىدە پايدا بولعان ۆيدەودان ءادىل قازىلاردىڭ ديماشقا ورىندارىنان تۇرىپ، قوشەمەت كورسەتكەنىن بايقاۋعا بولادى. ولاردىڭ ءبىرى ءتانتى بولعانى سونشالىق، The World's Best جوباسىنىڭ ارنايى ديماش ءۇشىن ۇيىمداستىرىلعانىن اتاپ ءوتتى.
ايتا كەتەيىك، 3 - اقپان كۇنى باستالعان شوۋدى قازاقستاندىقتار 7 - اقپان كۇنى تاماشالاي الادى.
Stan.kz
