استانا - قىزىلوردا جولاۋشىلار پويىزدارى شۇعىل توقتاتىلدى

92№ پويىزى ايسا ستانساسىندا توقتاتىلىپ، قاراعاندىعا قايتارىلدى. سول جەردە جولاۋشىلارعا بيلەتتىڭ قۇنى تۇگەل قايتارىلادى. ۇلتتىق تاسىمالداۋشى شۇعىل شارالاردى قاراستىرىپ جاتىر.

اتاپ ايتقاندا، جولاۋشىلاردى دىتتەگەن ستانسالارىنا جەتكىزىپ سالۋ ءۇشىن 86№ استانا - سارىاعاش پويىزىنا جالعانىپ، كەستە بويىنشا جىبەرىلەتىن قوسىمشا 6 كۋپە ۆاگونى ازىرلەندى.

سونىمەن قاتار قاراعاندى ستانساسىندا توقتاتىلعان رەيس بيلەتتەرىنىڭ اقشاسىن قايتارىپ، 86№ استانا - سارىاعاش جانە باسقا پويىزدارعا بيلەت راسىمدەۋ جۇمىستارى قارقىندى ءجۇرىپ جاتىر.

جولاۋشىلارعا تەگىن تاماق بەرىلىپ، قالىپتى تەمپەراتۋرا رەجيمى ساقتالىپ وتىر. رەيستىڭ توقتاتىلعانى تۋرالى حابار وسى پويىز وتەتىن ۆوكزالداردىڭ انىقتاما بولىمدەرى ارقىلى جانە داۋىستاپ حابارلانىپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى