ديماش قۇدايبەرگەن نيۋ-يوركتە جەكە كونسەرتىن بەرۋى مۇمكىن
بۇل تۋرالى Sputnik قازاقستان حابارلايدى.
«ازىرگە تەك كەلىسسوز جۇرگىزىپ جاتىرمىز، بۇل وڭاي شارۋا ەمەس. ەڭ باستىسى، ديماش مۇنى قاتتى قالاپ وتىر. وزدەرىڭىز ويلاڭىزدار، 15 مىڭ كورەرمەن. ارينە، ديماش امەريكالىق ارتىستەر سياقتى شوۋ جاساعىسى كەلەدى. ءبىراق ول ءۇشىن جاقسى رەپەرتۋار، ستۋديا مەن بيشىلەر كەرەك»، - دەدى مادەنيەت جانە سپورت ءمينيسترى ارىستانبەك مۇحامەدي ۇلى ۇكىمەت وتىرىسى كەزىندە.
مينيستر، سونداي-اق، كونسەرتتى ۇيىمداستىرۋعا كەتەتىن قاراجاتتىڭ بيلەت ساتىلىمىمەن وتەلەتىنىن، دەمەۋشىلەردىڭ كومەك كورسەتىپ جاتقانىن اتاپ ءوتتى.
ايتا كەتەيىك، بۇعان دەيىن ديماشتىڭ ماسكەۋدە ەكى بىردەي كونسەرت بەرەتىنى بەلگىلى بولعان ەدى. ءانشىنىڭ العاشقى كونسەرتىنە بيلەتتەر ساناۋلى كۇندەردىڭ ىشىندە ساتىلىپ كەتكەن.
