دەنيس تەن ءىسى: تاراپتار سوت شەشىمىمەن كەلىسپەيتىنىن ايتتى
«اپەللياتسيالىق شاعىمداردىڭ قاشان قارالاتىنى بەلگىسىز. ۋاقىتى ءالى بەلگىلەنگەن جوق. دەنيس تەننىڭ اناسى وكسانا تەننىڭ شاعىمى 31-قاڭتاردا، سوتتالۋشى ارمان قۇدايبەرگەنوۆ پەن نۇرالى قياسوۆتىڭ شاعىمدارى 31- قاڭتاردا، ال تەننىڭ قورعاۋشىسى نۇرلان وستەمىروۆتىڭ شاعىمى 1- اقپاندا ءتۇستى»، - دەپ ءمالىم ەتتى باسپا ءسوز قىزمەتىنەن.
ايتا كەتسەك، بەلگىلى سپورتشى، وليمپيادا جۇلدەگەرى دەنيس تەندى ولتىرگەن ارمان قۇدايبەرگەنوۆ پەن نۇرالى قياسوۆ، جانار تولىبايەۆا 17- قاڭتاردا سوتتالعان بولاتىن. سۋديا ەكى ەر ادامدى 18 جىلعا باس بوستاندىعىنان ايىرۋ تۋرالى، جۇكتى ايەل تولىبايەۆانى 4 جىلعا باس بوستاندىعىنان ايىرۋ تۋرالى ۇكىم شىعاردى.
