اقپان ايىندا قانداي سپورتتىق جارىستار وتەدى؟

بيىل قازاقستاندىق سپورتشىلاردى وليمپيادا ويىندارىنا ۇپاي ەنشىلەيتىن ماڭىزدى جارىستار كۇتىپ تۇرعانى بارشامىزعا بەلگىلى. سول ءۇشىن ءار جارىس سايىن ءار سپورتشى وزدەرىن بارىنشا بيىكتەن كورسەتۋگە كۇش سالاتىنى انىق.

اقپانداعى جارىس شىمىلدىعىن ۆەلوشابوندوزدار باستالماق. شىمكەنتتە 1-2- اقپان كۇندەرى ۆەلوكروستتان قازاقستان چەمپيوناتى وتەدى.

ارى قاراي شىمكەنت شاھارى ەلىمىزدەگى بالۋانداردىڭ دا باسىن قوسپاقشى. 7-10- اقپان ارالىعىندا ەركىن جانە گرەك-ريم كۇرەسىنىڭ شەبەرلەرى ەلىمىزدىڭ جاڭا چەمپيوندارىن انىقتايدى.

سوسىن، بادمينتوننان ۇزدىك 16 سپورتشى اراسىنداعى باسەكە ورال قالاسىندا، 13-17- اقپان ارالىعىندا ۇيىمداستىرىلادى.

ال ۆەلوترەكتەن قازاقستاننىڭ قىسقى اشىق چەمپيوناتىن 18-23- اقپان ارالىعىندا استانا قالاسى قابىلداماق. سونداي-اق، ترياتلوننان ەلىمىزدىڭ قىسقى بىرىنشىلىگى 22-24- اقپان كۇندەرى ەلوردادا وتەدى.

ال جاقىندا عانا باس باپكەرىن جاڭالاعان بىلعارى قولعاپ شەبەرلەرى بيىلعى جىلدىڭ العاشقى رەسمي تۋرنيرىنە قاتىسادى. عالىمبەك كەنجەبايەۆ جاتتىقتىراتىن بوكسشىلار ءۇندىستان مەن ۆەنگريادا وتەتىن حالىقارالىق تۋرنيرگە قاتىسپاق.

سونىمەن قاتار، ق ر ۇلتتىق وليمپيادالىق كوميتەتى قازاقستان سپورتشىلارى باق سىنايتىن حالىقارالىق تۋرنيرلەردىڭ ءتىزىمىن دە جاريا ەتتى.

قازاقستان سپورتشىلارى باق سىنايتىن حالىقارالىق تۋرنيرلەر:

بوكستان حالىقارالىق تۋرنير (ءۇندىستان)، 4-10- اقپان

بوكستان حالىقارالىق تۋرنير (ۆەنگريا)، 5-10- اقپان

اۋىر اتلەتيكادان حالىقارالىق چەمپيونات (تايلاند)، 5-11- اقپان

سەمسەرلەسۋدەن الەم كۋبوگى كەزەڭى. شپاگا، ەرلەر (ۆانكۋۆەر، كانادا)، 7-11- اقپان

سەمسەرلەسۋدەن الەم كۋبوگى كەزەڭى. شپاگا، ايەلدەر (بارسەلونا، يسپانيا)، 7-11- اقپان

دزيۋدودان گراند-سلەم تۋرنيرى (پاريج، فرانسيا)، 7-11- اقپان

كاراتەدەن پرەمەر-ليگا تۋرنيرى (دۋباي، ب ا ءا)، 13-18- اقپان

كوركەم گيمناستيكادان گران-پري تۋرنيرى (ماسكەۋ، رەسەي)، 14-18- اقپان

Turkish open G1، تاەكۆوندودان حالىقارالىق تۋرنير (انتاليا، تۇركيا)، 13-17- اقپان

سپورتتىق گيمناستيكادان الەم كۋبوگى كەزەڭى (مەلبۋرن، اۆستراليا)، 17-25- اقپان

«Egypt Open G2»، تاەكۆوندودان حالىقارالىق تۋرنير (حۋرگادا، ەگيپەت)، 17-25- اقپان

دزيۋدودان گران-پري تۋرنيرى (ديۋسسەلدورف، گەرمانيا)، 20-25- اقپان

بوكستان حالىقارالىق تۋرنير (يران)، 22- اقپان - 2- ناۋرىز

ۆەلوترەكتەن الەم چەمپيوناتى (ۆارشاۆا، پولشا)، 25- اقپان - 4- ناۋرىز.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى