فۋتبولشىلار تۇنگى كلۋبتارعا بارعانى ءۇشىن فۋتبولدان شەتتەتىلۋى مۇمكىن
وزبەكستان فۋتبول قاۋىمداستىعىنىڭ دەرەگى بويىنشا، بۇل شارا سپورتشىلاردى جەمقورلىقتان، پارا الۋدان، كەلىسىپ ويناۋدان، توتاليزاتوردان جانە تاعى باسقا فۋتبولدى دامىتۋعا قايشى كەلەتىن ارەكەتتەردەن قورعايدى. بۇدان بولەك، ارنايى كوميسسيا فۋتبولشىلاردىڭ سالاۋاتتى ءومىر سالتىن ۇستانۋىن قاداعالايدى. ىشىمدىك ىشكەن، تەمەكى، قورقور شەككەن ويىنشىلار فۋتبولدان شەتتەتۋلەرى مۇمكىن.
«كەيبىر ويىنشىلار ۋاقىتتارىن تاڭعا دەيىن تۇنگى كلۋبتاردا وتكىزىپ، ىشىمدىك ءىشىپ، قورقور شەگىپ جۇرەدى. بۇل ماڭىزدى ويىنداردىڭ الدىندا دايىندىقتارىنا كەدەرگى بولادى. مۇنداي جاعدايلار حالىقارالىق ارەنادا قۇراما كوماندالاردىڭ ويىندارىندا دا بولۋى مۇمكىن. سوندىقتان، مەن ءاربىر ويىنشىنىڭ كاسىپقوي بولۋى ءتيىس ەكەندىگىن اتاپ وتكىم كەلەدى. ولار ەڭ الدىمەن، وزدەرىنىڭ دەنە دايىندىقتارىنا الاڭداۋلارى كەرەك. سوندىقتان، ارنايى كوميسسيا ۇلكەن كولەمدەگى اقشالاردى ويىن- ساۋىققا جۇمساپ، سالاۋاتتى ءومىر سالتىن ۇستانبايتىن فۋتبولشىلاردى انىقتايتىن بولسا، ولار ءومىر بويىنا فۋتبولدان شەتتەتىلەدى» ، - دەپ مالىمدەدى وزبەكستان فۋتبول قاۋىمداستىعىنىڭ ءبىرىنشى ۆيتسە- پرەزيدەنتى ۋميد احماتدجانوۆ.
اۆتور: ميراس قۋاندىقوۆ
