ءتارتىپ بۇزعانداردى فوتو- ۆيدەوعا ءتۇسىر دە سىياقى ءۇشىن پوليتسياعا جىبەر: اقپاراتقا ىشكى ىستەر مينىستىرلىگى جاۋاپ بەردى
جەلى قولدانۋشىلارى عالامتوردا نارازىلىقتارىن اشىق ءبىلدىرىپ قانا قويماي، الداعى ۋاقىتتا ەنگىزىلۋى مۇمكىن دەگەن مۇنداي باستامانى مازاق ەتىپ تە ۇلگەردى، دەپ حابارلايدى ەۆرازيا.
ءدال وسى اقپارات ينتەرنەتتە جەلدەي ەسىپ، سوڭعى اپتادا قىزۋ تالقىلانعانى راس. ازىلمەن ەلدى قارىق قىلىپ جۇرگەندەر ءتىپتى كۇلكىلى ۆيدەو ءتۇسىرىپ ۇلگەرگەن.
قوعامدا بولىپ جاتقان ماسەلەلەردى بايقاپ، تامىرىن ءدال باسىپ پىكىر بىلدىرەتىن بلوگەر ياكوۆ فەدوروۆ كوپشىلىكتىڭ «بۇل قولعا الىنباق باستامانى ازىلگە اينالدىرۋى نەگىزسىز ەمەس» دەيدى. سوڭعى جارتى جىلدا تىركەلگەن اتىشۋلى جايتتاردان كەيىن حالىق ىشكى ىستەر ورگاندارنىڭ ءاربىر ىسىنە تىكسىنە قارايدى ەكەن.
«پوليتسيا ماسەلەلەردى ءوز كۇشىمەن شەشە الماعاندىقتان حالىقتان سۇراماقشى وسى قوسىمشامەن. سول سەبەپتى مەنىڭ ويىمشا بۇل اقشانى حالىققا ەمەس، قوسىمشانى پايدالاناتىن ادامدارعا ەمەس قاراپايىم پوليتسەيلەرگە بەرۋ كەرەك. ويتكەنى ولاردىڭ اقىسىن كوتەرسە ولاردا پاراقورلىققا نيەتى بولمايدى» ، - دەيدى بلوگەر ياكوۆ فەدەوروۆ.
اشىق اقپارات كوزدەرىندە جاريالانعان دەرەكتەرگە سايكەس سالىنعان ايىپپۇلدىڭ 40 پايىزىن سىياقى رەتىندە بەرىلسە فوتو نە ۆيدەو جىبەرەر مە ەدىڭىز دەپ تۇرعىنداردان دا سۇراپ كوردىك.
«كەي ادامدار بار مۇنداي جاعدايدا اقشا كەرەك ادامدار ءبىر ادامنىڭ ارتىنان جۇگىرىپ يمەننو سول ادام تۋرالى كەلەڭسىز اقپاراتتار جيناۋى مۇمكىن. وسى جاعىنان زاڭ ورگاندارى جاقسىلاپ قاراسا دۇرىس بولادى» .
«بۇل ماسەلەگە كەلگەندە بايقاۋ كەرەك. بىرىنشىدەن، قاراجات تاپقىسى كەلەتىندەر كوبەيىپ كەتۋى مۇمكىن. ەكىنشىدەن، ءبىر عانا جوبا قوعامنىڭ ءوزىن ەكىگە ءبولىپ تۇسىنىسپەۋشىلىكتەردىڭ كوبەيۋىنە اكەلۋى دە عاجاپ ەمەس» .
«كەيبىر ادامدار قارسى بولۋى مۇمكىن. سەبەبى، ول ءار ادامنىڭ جەكە ومىرىنە ارالاسۋ دەگەن سياقتى. سونداي ماعىنادا ءتۇسىنۋى مۇمكىن» .
جالپى، قاۋىپسىز قوعامدى قالىپتاستىرۋ تەك ىشكى ىستەر ورگاندارىنىڭ عانا مۇددەلى ماقساتى بولماۋى كەرەك. زاڭگەر احمەتجان بەيسەنبەكوۆ وسى ويىن ورتاعا سالدى. ءتىپتى ەلىمىزدىڭ قۇقىقتىق تاجىريبەسىندە مۇنداي ءادىس تىڭ جاڭالىق ەمەس، دەيدى.
«سىبايلاس جەمقورلىقپەن بايلانىستى قىلمىستاردا سىياقى تولەۋ تاجىريبەسى بار. ەگەر دە سول لوگيكاعا سۇيەنەتىن بولساق، نەگە اكىمشىلىك قۇقىق بۇزۋشىلىقتارمەن بايلانىستى ارەكەتتەردە، ۇزاق بۇزاقىلىققا قاتىستى ارەكەتتەردە وسى تاجىريبەنى قولدانباسقا دەگەن ورىندى سۇراق تۋىندايدى»، - دەيدى زاڭگەر احمەتجان بەيسەنبەكوۆ.
ىشىكى ىستەر مينيسترلىگى «قۇقىق بۇزۋشىلىقتار تۋرالى فوتو جانە بەينە ماتەريالدار ءۇشىن ازاماتتارعا سىياقى تولەۋ باستالدى دەگەن حابارلاما شىندىققا جاتپايدى» - دەپ وتىر. ءبىراق، مۇنداي يدەيانىڭ الداعى ۋاقىتتا ەنگىزىلۋى مۇمكىن ەكەنىن جاسىرمادى.
«مينيسترلىك ءى ءى م جاڭعىرتۋ اياسىندا ارنايى موبيلدىك قوسىمشانى پايدالانۋ مۇمكىندىگىن قاراستىرۋدا. بۇل موبيلدىك قوسىمشادا ازاماتتاردىڭ زاڭ بۇزۋشىلىقتار تۋرالى فوتوسۋرەتتەر مەن بەينەماتەريالداردى سىياقى ءۇشىن جىبەرۋ قىزمەتى قاراستىرىلادى. ناقتىلاق ايتاتىن بولساق، بۇل ماسەلە قارالۋ ۇستىندە. وسىنداي موبيلدىك قوسىمشانى ىسكە قوسۋ ءبىر كۇندە بىتپەيدى. بارلىق زاڭنامانى تالداپ، ءتيىستى نورماتيۆتىك قۇقىقتىق اكتىلەرگە تۇزەتۋلەر ەنگىزۋ قاجەت» ، - دەيدى ءى ءى م ىشكى جانە سىرتقى كوممۋنيكاتسيالار دەپارتامەنتىڭ ديرەكتورى الماس سادۋبايەۆ.
مەيلى، مۇنداي جوبا قولعا الىنسىن دەلىك. سوندا ايىپپۇلدىڭ ءبىر بولىگىن سىياقى رەتىندە الاتىن ازاماتتىڭ دارەجەسى قانداي بولماق؟ كاسىپكەر؟ بەلسەندى؟ ول سول تابىسى ءۇشىن سالىق تولەي مە؟ مامانداردىڭ پىكىرىنشە، مينيسترلىك اتالعان يدەيانىڭ شيكى تۇستارىن رەتتەپ الماي، قولدانىسقا ەنگىزسە داۋ تۋىندايتىنى انىق. ال ول كەزدە قوعام الدىندا جاۋاپ بەرۋ كەرەك بولادى.
Stan.kz
