ەسكى البوم. باۋكەڭنىڭ حاتتارىنان

تالاپ پەن جالقاۋلىق تۋىس ەمەس - جاراسپاس قاس.

«ۇرا بەرسەڭ قۇداي دا ولەدى» دەگەندەيىن، مەن قالامنىڭ قىر سوڭىنا ءتۇسىپ الدىم دا، ورىسشا دا، قازاقشا دا قاعازدى «شيمايلاي» بەردىم. شىنىمدى ايتسام، مەن قازاق ءتىلىن دە، ورىس ءتىلىن دە ناشار بىلەتىن «شورە-شورەلەردىڭ» ءبىرى ەكەنمىن. ءبىراق مەن  «ارسىزدىقتان» باس تارتقانىم جوق. ونىڭ تامىر سەبەبى مىنالاردا ەدى: تاعدىر. تاعدىر مەنى قازاق اتا-انادان تۋعىزدى. مەن قازاقپىن! تاعدىر مەنى پروفەسسيونالنىي ۆوەننىي ەتتى. ەكەۋى دە مەنىڭ كۇرە تامىرلارىم. حالقىمنىڭ جاقسى داستۇرلەرى، جاۋىنگەرلىك جاعدايدىڭ «ەل دەسە ەڭىرەۋى» انامنىڭ اق سۇتىندەي ماعان دارمەن بەرىپ تالپىندىردى، اياقتاندىردى.

جاۋلار ماعان وق اتتى، مەن دە جاۋعا از وق اتقانىم جوق. مەن قىرىق جىل قىرعىندا ءتىرى قالعانداردىڭ بىرەۋى بولدىم. كەيبىرەۋلەر مەنى «باتىر» دەيدى. وعان باسقالار سەنەدى - مەن ءوزىم سەنبەيمىن. مەن ءوزىمدى باسقالاردان جاقسى بىلەمىن عوي. داۋلاسپاي-اق قويالىق.

مەن دە جيۆوي(ءتىرى) ارحيۆتىڭ بىرەۋىمىن. مەنىڭ كورگەن-بىلگەندەرىمنىڭ «و دۇنيەگە» ءبىر تيىنعا كەرەگى جوق، بۇ دۇنيەگە كەرەك شىعار دەپ ويلايمىن.

سول سەبەپتى ءتىل جاعىنان شالاساۋاتتىلىعىم مەن ارپالىسىپ جازۋعا كىرىستىم. اتتەڭ جاس جاعىنان ەڭ كەمىندە بەس جىل رەزەرۆىم بولسا ادەبيەتتىڭ كەمىندە تەوريالىق سالاسىن ءبىر ينستيتۋتتە ءوتىپ الار ەدىم دەگەن ارمان مەنىمەن بىرگە جاتىپ، بىرگە تۇرادى. بارىنا شۇكىر ەتۋگە مۇقتاج بولىپ ءجۇرمىن. ودان دا ايرىلىپ قالمايىن دەگەن قاۋىپ مەنى اسىقتىرادى. ءولىم جوسپارلانبايدى عوي.

قىسقاشا ايتقاندا، تۆورچەستۆولىق جوسپارلارىم مىنانداي:

1-تاقىرىپ - پروتسەسس ستانوۆلنەنيا كازاحا كاك گراجدانينا س س س ر.

بۇل تەمانىڭ سالاسى - ءورىسى 1910-1941 -جىلدارداعى جالپىلاۋ ءومىربايان. مەن جازعان «ناشا سەميا» اتتى كىتابىم 1921-22 -جىلمەن عانا اياقتالادى. دەمەك، الدا 20 جىل قىزۋلى، كۇرەستى ءومىر جاتىر. ولاردى جازۋ كەرەك. ول مەنىڭ ءبىرىنشى بورىشىم.

ەكىنشى تاقىرىپ - پروتسەسس ستانوۆلەنيا ۆوينا ي فورميروۆانيە ۆوينسكوگو حاراكتەرا.

تەما چيستو پسيحولوگيچەسكايا. بۇل جاعىنان الەكساندر بەك ەكەۋمىز سوعىس كەزىندە «ارپالىستى» جازدىق. كەيىننەن ءوزىم «زا نامي موسكۆا»، «يستوريا ودنوي نوچي»، «سپينا»، «نيكولاي رەدين» ت. ب. اڭگىمەلەر جاريالادىم. اتالعانداردىڭ بارلىقتارىن جيناپ كەلگەندە 1941 -جىلدىڭ 6- دەكابرىمەن اياقتالادى. ۇلى وتان سوعىسى 1945 -جىلدىڭ ماي ايىندا اياقتالدى عوي. دەمەك، الدا ءالى ۋداي ءۇش جىل سوعىس - قيان- كەسكى جاتىر عوي. ولارعا مەن قاتىسقانداردىڭ ءبىرىمىن. ولاردى جازۋ كەرەك. بۇل مەنىڭ ەكىنشى بورىشىم.

3-تاقىرىپ - ساپتان ەڭبەك ساپىنا. ورىسشا ايتقاندا، يز سترويا ۆ ترۋد يلي سۋدبا سوۆەتسكوگو سولداتا. مايدان ەرى - ەڭبەك ەرى، ەر - ەل تۇتقاسى.

بۇل تاقىرىپ جاعىنان كولەمدى ەش نارسە جازعانىم جوق. «ساپتان - ەڭبەك ساپارىنا»، «كەزدەسۋلەر» دەگەن ەكى عانا قىسقا اڭگىمەمدى بۇل تاقىرىپقا «ۇيىتقى» رەتىندە ەسەپتەيمىن. بولاشاق كورسەتەر.

بۇل - مەنىڭ ءۇشىنشى بورىشىم. 4- تاقىرىپ: گەروي سوۆەتسكوگو سويۋزا گۆارديي گەنەرال- مايور يۆان ۆاسيليەۆيچ پانفيلوۆ.

پانفيلوۆ تۋرالى مالىك، دميتريي سنەگين، بەك، مەن، ت. ب. جازدى. ءبىراق تا بارلىعىندا يۆان ۆاسيليەۆيچتىڭ دوكۋمەنتتى ءومىربايانى جوق. مەنىڭ مارقۇم ۇستازىم، 1962 -جىلى پانفيلوۆ 70 جاسقا تولادى. سوعانعا دەيىن يۆان ۆاسيليەۆيچتىڭ دوكۋمەنتتى ءومىربايانىن جازىپ ءبىتىرۋدى ءوزىم ماڭدايالدى بورىشىم دەپ سانايمىن.

ول كىسىنىڭ ۇلى وتان سوعىسى باستالعانعا دەيىنگى ءومىربايانىن ءۇستىرت جازىپ ءبىتىردىم. بيىلعى جازدى دوكۋمەنتتى ماتەريالداردىڭ باسىن قوسۋ ءۇشىن موسكۆاداعى ارحيۆتەردە وتكىزەرمىن دەگەن ويدامىن...

حات ق ر ورتالىق مەملەكەتتىك مۇراعاتىنان الىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى