تايلاند قازاقستاندىقتارعا ەلەكتروندى ۆيزا بەرەدى

«2019 -جىلى 14 - اقپاننان باستاپ تايلاند ءبىرقاتار ەلدەردىڭ، سونىڭ ىشىندە قازاقستاننىڭ دا ازاماتتارى ءۇشىن ەل اۋماعىنا كەلگەندە بەرىلەتىن E- VOA (e-Visa On Arrival ۆيزاسىن بەرۋ قىزمەتىن ىسكە قوسادى. اتالعان قىزمەت قۇجاتتاردى تولتىرۋ، يمميگراتسيالىق قىزمەت جۇمىسكەرلەرىنىڭ ولاردى تەكسەرۋى جانە ۆيزانىڭ راسىمدەلۋىن كۇتۋگە جۇمسالاتىن اۋەجايداعى ۋاقىتتى ايتارلىقتاي ازايتادى» ، - دەلىنگەن ق ر س ءى م باسپا ءسوز قىزمەتىنىڭ رەسمي حابارلاماسىندا.

E- VOA قىزمەتىن الۋ ءۇشىن تايلاندقا ساپارعا اتتاناردان ەڭ كەمى 30 كۇن بۇرىن جانە 24 ساعاتتان كەشىكتىرمەي، ارنايى سايتقا كىرىپ، تاپسىرىس بەرۋ قاجەت.

ازاماتتار ەلەكتروندى فورمانى تولتىرىپ، ۆيزا اقىسىن MasterCard, Visa, Union Pay نەمەسە WeChat Pay جانە Alipay ءدىڭ نەسيەلىك نەمەسە دەبەتتىك كارتالارى ارقىلى ونلاين رەجيمدە تولەي الادى.

E- VOA قىزمەتىن پايدالانعان تۋريستەر تايلاندتاعى ءتورت نەگىزگى حالىقارالىق اۋەجايدىڭ كەز كەلگەنىنە كەلە الادى: سۋۆارنابحۋمي، دونمىانگ، پحۋكەت جانە چيانگماي حالىقارالىق اۋەجايلارى.

2019 -جىلدىڭ سوڭىنا دەيىن بۇل قىزمەت ءتۇرى تايلاندتاعى باسقا اۋەجايلاردا قول جەتىمدى بولادى.

ايتا كەتەيىك، تايلاند ۇكىمەتى قازاقستاننان كەلگەن تۋريستەرگە تەگىن ۆيزا بەرۋ مەرزىمىن 2019 -جىلدىڭ 30 - ساۋىرىنە دەيىن ۇزارتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى