قازاقستاندا ليفت قىزمەتىن باقىلايتىن ۇلتتىق ستاندارت ازىرلەندى
«ليفتىلەرگە قويىلاتىن قاۋىپسىزدىك تالاپتارى 2013 -جىلعى 18 - ساۋىردە قولدانىسقا ەنگىزىلگەن ە ا ە ق 011/2011 «ليفتىلەردىڭ قاۋىپسىزدىگى» تەحنيكالىق رەگلامەنتى شەڭبەرىندە بەلگىلەنگەن. ەندى ليفتىنى جەتكىزۋدى، جوندەۋ مەن تەحنيكالىق قىزمەت كورسەتۋدى جۇزەگە اسىراتىن ۇيىمدارعا قويىلاتىن تالاپتار ۇلتتىق زاڭنامامەن رەتتەلەدى. قازىرگى ۋاقىتتا ق ر ليفت شارۋاشىلىعىن پايدالاناتىن ۇيىمداردىڭ قىزمەتىن ءتۇرلى دەڭگەيدە رەتتەيتىن شامامەن 16 نورماتيۆتىك تەحنيكالىق قۇجاتتار بار. ءبىز اتالعان نورماتيۆتىك قۇجاتتاردى بىرىكتىرىپ، ليفتىلەردى جوندەۋ مەن قىزمەت كورسەتۋدىڭ ءبىرىڭعاي تالاپتارىن انىقتايتىن ۇلتتىق ستاندارت ازىرلەدىك» ، - دەدى ق ر يندۋستريا جانە ينفراقۇرىلىمدىق دامۋ مينيسترلىگى قۇرىلىس سالاسىن جانە تۇرعىن ءۇي- كوممۋنالدىق شارۋاشىلىعىن دامىتۋ دەپارتامەنتى ديرەكتورىنىڭ ورىنباسارى مارعۇلان ابدىكارىموۆ و ك ق- دە وتكەن باسپا ءسوز ءماسليحاتىندا.
ونىڭ ايتۋىنشا، 16 نورماتيۆتىك قۇجاتتى بىرىكتىرەتىن اتالعان ۇلتتىق ستاندارت بارلىق مۇددەلى تاراپتارمەن (مەملەكەتتىك ورگاندار، «اتامەكەن» ق ر ۇ ك پ، ليفت وندىرۋشىلەر، سالالىق وداقتار جانە ت. ب. ) كەلىسىلدى.
«تۇرعىن ءۇي- كوممۋنالدىق شارۋاشىلىعى تۋرالى جاڭا زاڭ جوباسى ماقۇلدانعان جاعدايدا كوپ پاتەرلى ءۇي يەلەرى ليفتىن جوندەۋ نەمەسە اۋىستىرۋ تۋرالى شەشىمدى وزدەرى قابىلدايدى. ءبىراق ولاردىڭ % 100 كەلىسىمى كەرەك، ودان سوڭ جوبالىق- سمەتالىق قۇجاتتار ازىرلەنىپ، بەكىتىلۋگە جىبەرىلەدى. ليفت جوندەۋگە نەمەسە اۋىستىرۋعا قاجەتتى قارجى جەرگىلىكتى بيۋدجەت ەسەبىنەن جۇرگىزىلەدى، ال ونى قايتارۋ، تۇرعىندارمەن 8 بەن 15 جىل ارالىعىندا ءبىرىڭعاي تولەم قۇجاتى ارقىلى جۇزەگە اساتىن بولادى» ، - دەدى ول.
ايتا كەتسەك، قازىرگى ۋاقىتتا تۇرعىن ءۇي- كوممۋنالدىق شارۋاشىلىق سالاسى بويىنشا جاڭا زاڭ جوباسى پارلامەنت ءماجىلىسىنىڭ قاراۋىندا.
ودان بولەك، بۇعان دەيىن اتالعان سالا بويىنشا ءبىرىڭعاي اقپاراتتىق جۇيە قۇرىلاتىنىن حابارلاعان بولاتىنبىز.
