گولوۆكين كىممەن بوكستاساتىنىن ءوزى شەشەدى - ابەل سانچەس
بۇعان دەيىن WBC گولوۆكينگە الەمنىڭ «ۋاقىتشا» چەمپيونى دجەرمالل چارلومەن جەكپە-جەكتى سانكتسيالاعان بولاتىن. بۇل ايقاستىڭ جەڭىمپازى ساۋل «كانەلو» الۆارەستىڭ تولىققاندى چەمپيوندىق بەلدىگىنە مىندەتتى ۇمىتكەر بولۋى ءتيىس ەدى.
«ءبىز گەنناديدىڭ مۇددەسى ءۇشىن نە ماڭىزدى ەكەنىن ەسكەرىپ وتىرمىز. گولوۆكيننىڭ كىممەن جۇدىرىقتاساتىنىن ەشكىم، ەشقانداي ۇيىم انىقتامايدى. ول باعىتىن تاڭداعان كەزدە، كىممەن بوكستاساتىنىن ءوزى شەشەتىن بولادى. GGG شەشىم قابىلداپ، باسپا ءسوز پاراقشاسىن شىعارعان كەزدە عانا كەڭەس قۇرامىز»، - دەدى سانچەس Worldboxingnews.net-كە بەرگەن سۇحباتىندا.
ەسكە سالا كەتەيىك، قازىرگى كەزدە گولوۆكين الەۋەتتى تەلەسەرىكتەستەرىمەن سوڭعى كەلىسسوزدەرىن جۇرگىزۋ ۇستىندە. GGG- ءدىڭ رينگكە ءساۋىر نەمەسە مامىر ايلارىندا ورالاتىنى كۇتىلىپ وتىر، ونىڭ قارسىلاسى كىم بولاتىنى ازىرگە بەلگىسىز.
